मुंबई : मुंबई महापालिकेचे स्थायी समितीचे अध्यक्ष यशवंत जाधव यांच्यावर आज आयकर विभागानं छापेमारी (Income Tax Raid on Yashwant Jadhav) केली. मुंबई महापालिकेतील (BMC) काही घोटाळ्यासंबंधी ही कारवाई केल्याची माहिती आहे. त्यावरून शिवसेना खासदार संजय राऊतांनी (Sanjay Raut) प्रतिक्रिया दिली आहे. मुंबई महापालिकेच्या निवडणुका असल्यामुळे ही छापेमारी केली जातेय, असं राऊत म्हणाले. (Sanjay Raut Reaction Income Tax Raid on Yashwant Jadhav)
मुंबई महापालिकेच्या निवडणुका येऊ घातल्या आहेत. त्यामुळे आता तपास यंत्रणा महापालिकेच्या शिपायांवर देखील कारवाई करतील. कारण ते खिशाला धनुष्यबाण लावून फिरतात, असा खोचक टोला संजय राऊतांनी लगावला.
देशात घाणेरडं राजकारण सुरू आहे. आदित्य ठाकरेंनी यावर टीका देखील केली आहे. त्यांनी उत्तर प्रदेश प्रचारात झंझावत निर्माण केलं आहे. पण, २०२४ पर्यंत या तपास यंत्रणांना सहन करायचं आहे. महाराष्ट्र, छत्तीसगड, झारखंड, पश्चिम बंगलला देखील हे सहन करायचं आहे. भाजपची लोक धुतल्या तांदळासारखे आहेत का?. दररोज गंगेत स्नान करून पाप करतात. त्यामुळे गंगा मैली झाली आहे, असंही संजय राऊत म्हणाले.
यशवंत जाधवांवर काय आहेत आरोप? -
आयकर विभागाच्या टीमने आज सकाळीच साडेसहा वाजण्याच्या सुमारास मुंबई महापालिकेतील स्थायी समितीचे अध्यक्ष यशवंत जाधव यांच्या घरावर छापेमारी केली. तसेच त्यांच्या इतर ठिकाणच्या मालमत्तेची देखील चौकशी केली. यशवंत जाधवांवर १५ कोटी घोटाळ्याचा आरोप आहे. हे १५ कोटी रूपये यूएईला हलवल्याचा सोमय्यांनी आरोप केला होता. बनावट कंपन्यांच्या माध्यमातून १५ कोटींचा घोटाळा केल्याचा आरोप सोमय्या यांनी केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
