![Sanjay Raut](http://media.assettype.com/esakal%2F2024-06%2F40519c73-9272-4640-b2a3-18b44ce737a1%2FEsakal_Rushikesh___2024_06_02T000058_942.jpg?rect=0%2C0%2C1200%2C675&w=480&auto=format%2Ccompress&fit=max)
मुंबई : लोकसभा निवडणुकीत ‘इंडिया’ आघाडीच जिंकणार, असा ठाम विश्वास शिवसेनेचे (उद्धव बाळासाहेब ठाकरे) नेते खासदार संजय राऊत यांनी व्यक्त केला असून पंतप्रधानपदासाठी संपूर्ण देशाची निवड राहुल गांधी असून आम्ही सर्व राहुल गांधींबरोबर आहोत, असे त्यांनी सांगितले.
गेले काही दिवस परदेशात गेलेले संजय राऊत शनिवारी मुंबईत परतले. माध्यमांशी बोलताना लोकसभा निवडणुकीत ''इंडिया'' आघडीचाच विजय होणार असल्याचा विश्वास त्यांनी व्यक्त केला. ते म्हणाले, ‘‘४ जूनला दुपारी बारानंतर ‘इंडिया’ आघाडी जिंकतेय हे सर्वांना दिसेल. पंतप्रधान ‘इंडिया’ आघाडीचा असेल.
काँग्रेसचे अध्यक्ष मल्लिकार्जुन खर्गे म्हणाले, त्यांची निवड राहुल गांधी आहेत. मात्र संपूर्ण देशाची निवड राहुल गांधी आहेत. आम्ही सगळे राहुल गांधींबरोबर आहोत. राहुल गांधी यांनी ज्या प्रकारे देशभर फिरून मेहनत घेतली आहे. या निवडणुकीत विरोधकांच्या चिंधड्या उडवल्या आहेत, ते पाहता राहुल गांधी देशाचे नेतृत्व करण्यात सक्षम असल्याचे देशवासीयांनी स्वीकारला आहे.’’
‘‘निवडणूक आयोगाला हाताशी पकडून स्वतःच्या सोयीच्या तारखा पंतप्रधानांनी घेतल्या. पंतप्रधानांनी शेवटच्या टप्प्यात त्यांचे मतदान घेतले. सेलिब्रिटीही त्यात आले. निवडणूक आयोग जनतेची सोय बघत नाही तर राजकारणातल्या सेलिब्रिटींची सोय बघतो. हे सत्य आहे,’’ अशी टीका राऊत यांनी केली.
योग साधनेचा अपमान’
कन्याकुमारीतील मोदी यांच्या ध्यानधारणेवर टीका करताना राऊत म्हणाले की, चहूबाजूंनी कॅमेरे लावून एक माणूस ध्यानमग्न होतो, हा आपल्या योग साधनेचा अपमान आहे. निवडणूक आयोग हे सर्व बघत आहे. पण निवडणूक आयोगाचा हा ‘अंधा कानून’ आहे, असा घणाघात राऊत यांनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.