राज्यात हायव्होल्टेज राजकीय ड्रामा सुरू असतानाच शिवसेना खासदार संजय राऊत यांना ईडीकडून समन्स बजावण्यात आलं आहे. मात्र सत्तानाट्याच्या खेळाचा एक अंक सुरू असल्याने संजय राऊत चौकशीसाठी गेलेले नव्हते. मात्र आता त्यांनी याचविषयी एक ट्वीट करत माहिती दिली आहे. या ट्वीटमध्ये त्यांनी शरद पवार, ममता बॅनर्जी, राहुल गांधी आणि उद्धव ठाकरेंना टॅग केलं आहे. (Sanjay Raut News)
आपल्या ट्वीटमध्ये संजय राऊत (Sanjay Raut) म्हणतात की, मी आज दुपारी १२ वाजता ईडीसमोर हजर होणार आहे. मला जारी करण्यात आलेल्या समन्सचा मी आदर करतो आणि तपास यंत्रणांना सहकार्य करणे हे माझे कर्तव्य आहे. मी शिवसेना कार्यकर्त्यांना ईडी कार्यालयात जमू नये असे आवाहन करतो. काळजी करू नका म्हणत त्यांनी ममता बॅनर्जी (Mamata Banerjee), उद्धव ठाकरे(Uddhav Thackeray), राहुल गांधी (Rahul Gandhi) आणि शरद पवारांनाही(Sharad Pawar) ट्वीटमध्ये टॅग केलं आहे.
पत्राचाळ जमीन घोटाळा प्रकरणी संजय राऊतांना ईडीने समन्स बजावलं आहे. यापूर्वी ईडीने त्यांच्या काही मालमत्ता जप्त केल्या होत्या. मात्र, अलिबागमधल्या त्यांच्या सभेमुळे संजय राऊत चौकशीला गेले नव्हते. आता ईडीने त्यांना दुसरं समन्स बजावत १ जुलैला हजर राहण्याचे आदेश दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
