ज्येष्ठ कवी सतीश काळसेकर यांचं निधन

ज्येष्ठ कवी सतीश काळसेकर यांचं निधन
Updated on

मराठीतील प्रख्यात कवी, संपादक व सामाजिक कार्यकर्ते सतीश काळसेकर यांचं शुक्रवारी निधन झालं आहे. ते 78 वर्षांचे होते. पेण येथील राहत्या घरी झटक्यानत्यांनी अखेरचा श्वास घेतला. झोपेत असताना त्यांना हृदयविकाराचा झटका आला. काळसेकर यांच्या निधनामुळे नवोदित लेखक, कवींचा हक्काचा मार्गदर्शक हरपल्याची भावना व्यक्त होत आहेत.

वेंगुर्ल्यातील काळसे या गावात काळसेकर यांचा जन्म झाला आहे. सिंधुदुर्गातच त्याचं शालेय शिक्षण झालं तर मुंबईत महाविद्यालयीन शिक्षण पूर्ण केलं. त्यानंतर काही काळ त्यांनी ज्ञानदूत व टाइम्स ऑफ इंडियामध्ये नोकरी केली. काळसेकर यांची काव्य लेखनातून वाङ्‌मयीन कारकिर्दीला सुरुवात झाली. सुरुवातीला महाविद्यालयाच्या नियतकालिकातून, नवाकाळ, मराठा यांसारख्या वर्तमानपत्रातून कविता प्रसिद्ध झाल्या. त्यानंतर विविध वाङ्‌मयीन नियतकालिकांतून त्यांच्या कविता प्रसिद्ध होत होत्या. 1971मध्ये त्यांचा पहिला कवितासंग्रह इंद्रियोपनिषद् प्रकाशित झाला होता. या कविता संग्रहानं त्यांना साहित्य वर्तुळात ओळख मिळवून दिली. त्यानंतर त्यांनी साहित्याच्या क्षेत्रात चौफेर मुशाफिरी केली. कविता, अनुवाद, गद्य असे वेगवेगळे साहित्य प्रकार हाताळले. 'वाचणाऱ्याची रोजनिशी' या त्यांच्या पुस्तकाला 2014 मध्ये 'साहित्य अकादमी' पुरस्कारानं गौरवण्यात आलं होतं.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.