मुंबई : शाळांबाबतचा निर्णय स्थानिक पातळीवर निरीक्षण करून घेतला जाईल, असे मत शालेय शिक्षण मंत्री वर्षा गायकवाड (Education Minister Varsha Gaikwad) यांनी व्यक्त केले आहे. ओमिक्रॉनच्या (Omicron variant) पार्श्वभूमीवर आढावा घेऊन शाळांबाबत (School reopening) 4 ते 5 दिवसांत निर्णय घेतला जाईल, असेही त्यांनी सांगितले. लहान मुलांचे लसीकरण (Children Vaccination) सुरू व्हावे अशी अपेक्षा शालेय शिक्षण मंत्री वर्षा गायकवाड यांनी व्यक्त केली आहे.त्यामुळे येत्या 15 डिसेंबरपासून पुन्हा शाळेची घंटा वाजणार का ? असा प्रश्न उपस्थित झाला आहे.
स्थानिक पातळीवर निरीक्षण करुन शाळांबाबत निर्णय घेतला जाईल. मुंबई, पुण्यात (Mumbai-Pune) 15 डिसेंबर पासून शाळा सुरु करण्याचा निर्णय घेतला आहे. टास्क फोर्ससोबत (Task force) चर्चा करुन शाळांची नियमावली बनवली आहे. लहान मुलांच्या लसीकरणाबाबत कोणतीही माहिती शालेय शिक्षण विभागाकडे आलेली नाही. मात्र, लहान मुलांचं आरोग्य, सुरक्षा ही प्राथमिकता आहे. त्यामुळे लहान मुलांचं लसीकरण सुरु व्हावं अशी आमची अपेक्षा आहे, असंही त्यांनी म्हटलं आहे.
दक्षिण अफ्रिकेत (South Africa) आढळलेला कोरोनाच्या नव्या ओमिक्रॉन व्हेरिएंटने महाराष्ट्रातदेखील पाय पसरण्यास सुरूवात केली आहे. त्यामुळे राज्यासह देशात चिंतेचे वातावरण निर्माण झाले आहे. दरम्यान, राज्यात येत्या 15 डिसेंबरपासून पहिली ते सातवीपर्यंतच्या शाळा सुरू करण्यात येणार होत्या. मात्र, कोरोनाच्या नव्या व्हेरिएंटमुळे प्रशासनातर्फे प्रत्येक पाऊल सावधतेने टाकले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
