![Milind Narvekar](http://media.assettype.com/esakal%2F2021-08%2Fb7a82e95-ebcf-4772-b969-ed0df1dd6adc%2FeSakal__41_.jpg?w=480&auto=format%2Ccompress&fit=max)
मुंबईः राज्य सरकारने ठाकरे कुटुंबाची सुरक्षा काढली आहे. उद्धव ठाकरेंना असलेली झेड प्लस सुरक्षा काढून वाय दर्जाची सुरक्षा पुरवण्यात आलेली आहे. या सगळ्यामध्ये मिलिंद नार्वेकर यांच्या सुरक्षेला धक्का लावण्यात आलेला नाही. त्यामुळे उलटसुलट चर्चा सुरु झाल्या आहेत.
राज्य सरकारकडून ठाकरे कुटुंबाच्या सुरक्षेत कपात केल्याचा प्रकार समोर आळा आहे. उद्धव ठाकरे, आदित्य ठाकरे, तेजस ठाकरे, रश्मी ठाकरे यांची सुरक्षा कमी खरण्यात आली आहे. आदित्य ठाकरे, उद्धव ठाकरे, तेजस ठाकरे यांच्या ताफ्यातील एस्कॉर्ट व्हॅन देखील केल्या कमी करण्यात आल्या आहेत. यामुळे नव्या वादाला तोंड फुटले आहे.
उद्धव ठाकरे यांना झेड प्लस आणि आदित्य ठाकरे यांना वाय प्लस सुरक्षा होती. फक्त कुटुंबियांचीच नव्हे तर 'मातोश्री'च्या जवळपासच्या परिसरातील देखील सुरक्षा कमी करण्यात आली आहे. 'मातोश्री'वर मागच्या आणि पुढच्या अशा दोन्ही गेटवर पोलिस तैनात असतात मात्र आता ती सुरक्षा कमी करण्यात आली आहे.
ठाकरे कुटुंबियांची आणि 'मातोश्री'ची सुरक्षा कमी केल्यानंतरही शिवसेना सचिव मिलिंद नार्वेकर यांची सुरक्षा कायम ठेवण्यात आलेली आहे. मिलिंद नार्वेकर हे शिवसेना सचिव तसेच उद्धव ठाकरे यांचे स्वीय सहायक म्हणून काम पाहतात.
आता मिलिंद नार्वेकर यांना उद्धव ठाकरे यांनी बाजूला करुन रवी म्हात्रे उद्धव ठाकरेंच्या आसपास दिसतात. मिलिंद नार्वेकर ठाकरेंची साथ सोडणार अशीही चर्चा झाली होती. परंतु अजूनही ते ठाकरे यांच्या सोबत आहेत. परंतु सर्व कुटुंबाची सुरक्षा काढूनही मिलिंद नार्वेकरांची सुरक्षा ठेवण्याचे पुन्हा चर्चा सुरु झाल्या आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.