मराठा समाजाला आरक्षण देण्यासाठी आज (ता. २०) विशेष अधिवेशन होत आहे.
कोल्हापूर : `मराठा आरक्षणासाठी (Maratha Reservation) उपोषणास बसलेल्या मनोज जरांगे-पाटील (Manoj Jarange-Patil) यांना दिलेला शब्द शासनाने पाळावा’, असे आवाहन श्रीमंत शाहू छत्रपती महाराज (Shahu Chhatrapati Maharaj) यांनी पत्रकारांशी बोलताना केले. नर्सरी बागेत शिवजयंतीनिमित्त आयोजित कार्यक्रमासाठी ते आले होते.
शाहू महाराज म्हणाले, ‘शासनास मराठा समाजाला कायद्याच्या कसोटीवर टिकणारे आरक्षण देणे शक्य आहे. आरक्षणाच्या प्रश्नावर चर्चा करण्यासाठी शासनाने २० व २१ फेब्रुवारीला राज्य विधिमंडळाचे विशेष अधिवेशन (Special Session) बोलावले आहे. त्या अधिवेशनात सकारात्मक निर्णय होईल, असे वाटते.’ दिल्लीमध्ये शेतकऱ्यांनी देशव्यापी आंदोलन पुन्हा सुरू केले आहे. ते आंदोलन पोलिसांकडून दडपण्याचा प्रयत्न सुरू आहे.
त्यासंबंधी त्यांना विचारणा केली असता ते म्हणाले, ‘शेतकऱ्यांचे हित जपणे महत्त्वाचे आहे. भारत देश कृषीप्रधान असून, शेतकऱ्यांचे प्रश्न सरकारने गांभीर्याने घ्यायला हवेत आणि त्यांची सोडवणूक करायला हवी.’ दरम्यान, लोकसभेसाठी शाहू महाराज यांचे नाव चर्चेत आले असून, महाविकास आघाडीतर्फे त्यांची उमेदवारी घोषित केली जाईल, अशी शक्यता आहे. याबाबतच्या प्रश्नावर मात्र त्यांनी मौन बाळगले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
