मागील काही दिवसांपासून शिवसेनेचे खासदार संजय राऊत (Sanjay Raut) आणि ईडी (ED) यांच्यात वाद सुरु आहे, तर काही दिवसांपुर्वी सक्तवसुली संचलनालयाने काही राऊतांच्या कुटुंबीयांची देखील चौकशी केली होती. यानंतर आता ईडीने मोठी कारवाई केली आहे. ईडीने राऊतांच्या आलिबाग आणि दादरमधील मालमत्तांवर छापेमारी केली. यामध्ये अलिबागमधील ८ प्लॉट आणि मुंबईतील एका फ्लॅटवर जप्तीची कारवाई ईडीकडून करण्यात आली आहे.
ईडीच्या कारवाईनंतर राऊत यांनी राष्ट्रवादीचे अध्यक्ष शरद पवार (Sharad Pawar) आणि मुख्यमंत्री उद्धव ठाकरे (Uddhav Thackeray) यांनी फोन करून माहिती घेतली. या कारवाईनंतर दोघांशीही बोलणं झालं असून काही झालं तरी झुकायचं नाही, अशीच महाविकास आघाडीची भूमिका असल्याचं राऊत यांनी सांगितलं.
यावेळी मुख्यमंत्री आणि शरद पवार या दोघांनी ईडीसमोर झुकायचं नाही, तर ईडीचा सामना करायचा असा विश्वास दिल्याचे राऊत यांनी माध्यमांना बोलताना सांगितले. ईडीच्या कारवाईनंतर राऊत यांनी आपण एक पैशाचाही घोटाळा केलेला नाही, असे विधान केले आहे. त्यांच्या या विधानावर भाजप नेते चंद्रकांत पाटील (Chandrakant Patil) यांनी समाचार घेतला असून, एक पैशाचा घोटाळा नसल्याचा पत्रकारांना सांगून काही फायदा नाही असा चिमटादेखील चंद्रकांत पाटील यांनी राऊत यांना काढला आहे. तसेच जर काही घोटाळा नसेल तर, त्यांनी न्यायालयात जावे आणि सिद्ध करावे.
तर मागील दोन महिन्यापासून राऊत यांनी ज्या पद्धतीने आरोप केले ही त्यांची मानसिक अवस्था मी समजू शकतो. राऊत यांना वाटत पोलिसांचा माफियासारखा वापर करून तोंड बंद करू पण कितीही दबाव टाका असे म्हणत आम्हाला फरक पडत नाही. कारवाई होणारच असे देखील किरीट सोमय्या यांनी स्पष्ट केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
