पुणे: आज सरकारकडून पद्म पुरस्कारांची (Padma Awards) घोषणा झाली आहे. यावर्षी चार जणांना पद्मविभूषण पुरस्कार जाहीर झाला आहे तर 17 जणांना पद्मभूषण पुरस्कार जाहीर झाला आहे. पद्मश्री पुरस्कार १०७ जणांना जाहीर झाला आहे. त्यामध्ये सायरस पूनावाला यांना पद्मभूषण पुरस्कार देण्यात आला आहे. बालाजी तांबे यांना मरणोत्तर पद्मश्री पुरस्कार जाहीर झाला आहे. कला क्षेत्रातून प्रभा अत्रे, राधेश्याम खेमका, संरक्षण क्षेत्रामधून बिपिन रावत, कल्याण सिंग यांना पद्मविभूषण पुरस्कार जाहीर झाला आहे. यांच्यासोबतच सोनू निगम, लावणीसम्राज्ञी सुलोचना चव्हाण यांना पद्मश्री पुरस्कार जाहीर झाला आहे. (Padma Purskar)
सीरम इन्स्टिट्यूटचे सीईओ अदर पुनावाला यांचे वडील सायरस पुनावाला (Cyrus Poonawala) यांनाही वैद्यकीय क्षेत्रातील कामगिरीबद्दल पद्मभूषण पुरस्कार मिळाला आहे. त्यांचं कौतुक त्यांचे खूप आधीपासूनचे मित्र राष्ट्रवादी काँग्रेसचे प्रमुख शरद पवार यांनी केलंय. शरद पवार यांनी ट्विट करत म्हटलंय की, माझे बॅचमेट सायरस पूनावाला यांना वैद्यकीय क्षेत्रातील अतुलनीय योगदानाबद्दल पद्मभूषण पुरस्कार मिळाला आहे, त्याबद्दल मला अभिमान आहे.
शरद पवार आणि सायरस पुनावाला यांची मैत्री खूप जुनी आहे. शरद पवार राजकारणात यायच्या आधीपासून ते सायरस पुनावाला यांचे मित्र आहेत. त्यामुळे त्यांनी आपल्या मित्राला मिळालेल्या या पुरस्काराबद्दल आपल्याला अभिमान असल्याचं म्हटलंय. पुनावाला हे आता वैद्यकीय क्षेत्रात असले तरी आधी ते रेससाठी लागणाऱ्या घोड्यांची पैदास करण्याच्या व्यवसायात होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
