माजी केंद्रिय कृषी मंत्री शरद पवार आज धुळे जिल्ह्याच्या दौऱ्यावर आहेत. पवार यांच्या उपस्थितीत शिंदखेडा तालुक्यात शेतकरी मेळावा पार पडला.
या शेतकरी मेळाव्यासाठी शरद पवार यांचे जेव्हा शिरपूर विमानतळावर आगमन झाले तेव्हा त्यांच्या स्वागतासाठी राष्ट्रवादीसह इतर पक्षांच्या आमदार आणि नेत्यांचाही समावेश होता. पण, सर्वाचे लक्ष वेधून घेतले ते भाजपचे आमदार अमरीश पटेल यांनी.
पवार यांच्या आगमनानंतर अमरीश पटेल यांनी जेव्हा शरद पवार यांना पुष्पगुच्छ दिला तेव्हा, शरद पवार यांनी मिश्किलपणे पटेल यांना विचारले तुम्ही दुसऱ्या पक्षाचे मग इथे कसे? पवारांच्या या विधानानंतर उपस्थितांमध्ये एकच हशा पिकला.
दरम्यान या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे.