बीडः अजित पवारांनी २ जुलै रोजी राष्ट्रवादी काँग्रेसमध्ये बंड केल्यानंतर शरद पवारांनी पुन्हा नव्याने पक्षबांधणीच्या कामाला सुरुवात केली आहे. त्यांची पहिली सभा छगन भुजबळ यांच्या येवल्यात झाली होती. आज दुसरी सभा बीडमध्ये झाली आहे.
बीड विधानसभेचे आमदार संदीप क्षीरसागर यांनी या सभेचं आयोजन केलं होतं. या स्वाभिमानी सभेसाठी प्रदेशाध्यक्ष जयंत पाटील, जितेंद्र आव्हाड, रोहित पवार, अनिल देशमुख आणि बीड जिल्ह्यातील पक्षाच्या प्रमुख पदाधिकाऱ्यांची उपस्थिती होती.
भाषणादरम्यान शरद पवारांनी मणिपूरच्या मुद्यावरुन केंद्र सरकारला धारेवर धरलं. पंतप्रधान नरेंद्र मोदींच्या स्वातंत्र्य दिनाच्या भाषणाबद्दल बोलतांना शरद पवार म्हणाले की, पंतप्रधानांनी पुन्हा येईन, असं म्हटलं आहे. परंतु त्यांनी देवेंद्र फडणवीसांचा सल्ला घ्यावा.
काय म्हणाले शरद पवार?
१५ ऑगस्टचं भाषण करत असताना पंतप्रधान म्हणाले, मी पुन्हा येईन. माझी त्यांना एकच विनंती आहे की, महाराष्ट्राचे एक मुख्यमंत्री होते त्यांचं नाव देवेंद्र फडणवीस. त्यांनीही सांगितलं होतं पुन्हा येईन. माझी विनंती आहे की, पंतप्रधानांनी देवेंद्रचं मार्गदर्शन घ्यावं.
''पुन्हा येईन म्हणाले, ते पुन्हा आले पण मुख्यमंत्री म्हणून नाही तर खालच्या रँकवर. आता पंतप्रधान म्हणतात मी पुन्हा येईन. त्यामुळे देवंद्रचा सल्ला आणि मार्गदर्शन घ्यावं. आज आहे त्यापेक्षा खाली कुठे जायचं आहे त्याबद्दल विचार करावा.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
