राज्यसभेच्या निवडणुकीची धामधूम जरा थंड झाल्यानंतर आता देशाचं लक्ष आगामी राष्ट्रपती निवडणुकीकडे लागलेलं आहे. यासाठी आता सत्ताधारी आणि विरोधक दोघेही कंबर कसून कामाला लागले आहेत. त्याच पार्श्वभूमीवर काँग्रेस प्रदेशाध्यक्ष नाना पटोले यांनी एक महत्त्वाचं विधान केलं आहे. (Congress will support Sharad Pawar for President Election)
राष्ट्रपती पदासाठी शरद पवारांचं नाव उमेदवार म्हणून पुढे येण्याच्या चर्चा आहेत. त्या पार्श्वभूमीवर माध्यमांशी बोलताना नाना पटोले यांनी पाठिंबा दर्शवला आहे. शरद पवारांना जर राष्ट्रपती पदाचा उमेदवार घोषित केलं तर काँग्रेसचा त्यांना पाठिंबा असेल, असं वक्तव्य नाना पटोले यांनी केलं आहे.
दरम्यान, राष्ट्रपती निवडणुकीसाठी तृणमूल काँग्रेसच्या अध्यक्षा आणि बंगालच्या मुख्यमंत्री ममता बॅनर्जी यांनी विरोधकांची मोट बांधण्यास पुढाकार घेतला आहे. १५ जून रोजी दिल्लीत एका संयुक्त बैठकीचं आयोजन करण्यात आलं असून यासाठी शरद पवारांसह अनेक प्रमुख नेत्यांना आमंत्रित करण्यात आलं आहे. दिल्ली, केरळ, झारखंड, ओडिशा, तेलंगण, तमिळनाडू, महाराष्ट्र, पंजाब या राज्यांच्या मुख्यमंत्र्यांसह काँग्रेस अध्यक्षा सोनिया गांधी यांनाही बैठकीसाठी निमंत्रण देण्यात आलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
