NCP Crisis: शरद पवार गटाने EC मध्ये संपूर्ण इतिहास सांगितला! मात्र अजित पवार गटाकडे दोन पॉवरफुल मुद्दे

NCP Crisis: राष्ट्रवादी विरुद्ध राष्ट्रवादी असा वाद आता निवडणूक आयोगात रंगला आहे. आज निवडणूक आयोगात सुनावणी संपली असून पुढील सुनावणी २९ नोव्हेंबरला होणार आहे. शरद पवार यांच्या गटाकडून देवदत्त कामत यांनी आज युक्तीवाद केला. शरद पवार हेच राष्ट्रवादी काँग्रेसचे अध्यक्ष असल्याचे कामत यांनी आयोगत सांगितले. यानंतर अजित पवार गटाचे वकील मुकुल रोहतगी यांनी प्रतिक्रिया दिली आहे.

मुकुल रोहतगी म्हणाले, "शरद पवार गट काही न पाहता बोलत आहे. ४० पेक्षा जास्त आमदार त्यांच्यासोबत नाहीत. त्यांच्याकडे बहुमत नाही. ते जुने वक्तव्य करत आहेत की शरद पवार २० वर्षापासून पक्षाचे अध्यक्ष आहेत आणि तेच राहतील. त्यांचा एकमात्र हेतू हे प्रकरण लांबवणे आहे. पुढील सुनावणी बुधवारी (२९ नोव्हेंबर) होणार आहे."

शरद पवार गटाने आज १९९९ पासून संपूर्ण इतिहास निवडणूक आयोगात मांडला. मात्र अजित पवार गट दोन मुद्दावर ठाम आहे. ते म्हणजे ४० आमदारांचा पाठींबा आणि बहुमत. अजित पवार गटाचे वकील मुकुल रोहतगी यांनी देखील हा मुद्दा लावून धरा आहे. त्यामुळे निवडणूक आयोग काय निर्णय घेणार याकडे सर्वांचे लक्ष लागले आहे.

शरद पवार गटाचे वकील मनु सिंघवी म्हणाले, देवदत्त कामत यांनी सांगितले की विचित्र घटना घडत आहेत. १९९९ पासून एक पक्ष निर्माण केला, विस्तार झाला तो फक्त शरद पवार यांच्यामुळे. यांना सर्वांना सहमतीने अध्यक्ष स्विकारले. कधीही कोणताही आरोप २० वर्षात झाला नाही. मात्र आता वाद निर्माण करता येत नाही.

मनु सिंघवी यांनी अनुच्छेद १५ दाखला देत निवडणूक आयोगावर देखील प्रश्न उपस्थित केले.  अनुच्छेद १५ पक्षात आधीपासून वाद पाहीजेत. वेळेवर वाद निर्माण करुन याचिका दाखल करता येत नाही. तसेच निवडणूक आयोगाला कार्यवाही करता येत नाही, असे मनु सिंघवी यांनी स्पष्ट केले.