Sharad Pawar Resigns : शरद पवार यांनी राजीनामा दिल्यानंतर राष्ट्रवादी काँग्रेसचे अध्यक्ष कोण, अशी चर्चा राजकीय वर्तुळात रंगली आहे. शरद पवार यांनी राष्ट्रवादीच्या अध्यक्षपदाचा राजीनामा दिल्याच्या चर्चेने पक्षाचे नेते आणि कार्यकर्ते भावूक झाले आहेत. तर शरद पवार यांचा हा मोठा राजकीय डाव असल्याची चर्चा आहे.
शरद पवार यांच्या राजीनाम्याला विरोध होत असताना काल अजित पवार यांनी समर्थन केले होते. त्यामुळे पुढील राष्ट्रवादीचे अध्यक्ष अजित पवार की सुप्रिया सुळे, अशी चर्चा रंगली होती.
दरम्यान राष्ट्रवादी काँग्रेसचे अध्यक्ष पद सुप्रिया सुळे यांच्याकडे देण्यात आल्याची चर्चा आहे. राष्ट्रवादी काँग्रेसच्या केंद्रात ताई तर राज्यात दादा अशी स्थिती निर्माण होण्याची शक्यता आहे. अजित पवार यांच्याकडे काय जबाबदारी असले, अशी चर्चा रंगली आहे.
अजित पवार हे राज्यातील मोठे नेते असतील. तसेच २०२४ च्या निवडणुकीत मुख्यमंत्री पदाचे प्रमुख दावेदार असतील. त्यामुळे राष्ट्रवादीचे नेतृत्व खासदार सुप्रिया सुळे यांना देण्यात आल्याची चर्चा आहे. तर अजित पवार राज्याचे राजकारण सांभाळतील.
मात्र या निर्णयामुळे अजित पवार आणि त्यांच्या समर्थकांना मोठा धक्का बसला आहे. भाजपला पाठिंबा देण्याची मागणी करणाऱ्या नेत्यांना यामुळे धक्का बसल्याची चिन्हे आहेत. अजित पवार अध्यक्ष झाले असते तर महाविकास आघाडीत बिघाडी होणार असल्यची शंका होती. उद्धव ठाकरे आणि अजित पवार यांचे फार जमत नाही. मात्र सुप्रिया सुळे महाविकास आघाडी स्थिर ठेवतील. राष्ट्रीय राजकारणाच देखील त्यांचा वेगळा ठसा उमटला आहे.
अजित पवार यांचा केंद्रातील नेत्यांशी देखील फार सबंध नाही जेवढा सुप्रिया सुळे यांचा दबदबा आहे. दुसरं म्हणजे महिलेला पक्षाचे अध्यक्ष केल्यामुळे राष्ट्रवादीची सकारात्मक प्रतिमा निर्माण होणार आहे, याचा विचार शरद पवार यांनी केला असल्याचे बोलले जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
