Shinde vs Thackeray : महाराष्ट्राच्या सत्तासंघर्षाप्रकरणी आजचा दिवस खूप महत्त्वाचा होता. दरम्यान, सात न्यायमूर्तींकडं हे प्रकरण देण्याची ठाकरे गटाची मागणी सुप्रीम कोर्टानं (Supreme Court) नाकारलीये.
त्यामुळं ठाकरे गटाला हा एकप्रकारचा धक्का मानला जात आहे. पुढील सुनावणी 21 आणि 22 फेब्रुवारीपासून होणार आहे. या सुनावणीनंतर शिवसेना नेते (उद्धव बाळासाहेब ठाकरे गट) खासदार संजय राऊत (Sanjay Raut) यांनी प्रतिक्रिया दिलीये.
राऊत म्हणाले, 'हे प्रकरण सात न्यायमूर्तींच्या खंडपीठाकडं जावं अशी आमची मागणी आहे. या निकालाला वेळ लागला तरी, संपूर्ण देशापुढं एक पारदर्शक असा निकाल येईल. त्यामुळं भविष्यात कोणीही, कोणतंही सरकार पैसा, विकत घेतलेलं बहुमत या जोरावर सरकार पाडू शकणार नाही.'
अपात्रतेचा मुद्दा अत्यंत महत्वाचा आहे. आमच्या दृष्टीनं सगळे आमदार (शिंदे गट) अपात्र आहेत. आता त्यांच्यावर निवडणूक आयोग आणि न्यायालयानं शिक्कामोर्तब करायचं आहे. घटनाबाह्य सरकार कितीकाळ चालवायचं हे न्यायालयाला ठरवावं लागणार आहे, असं राऊत म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
