Shinde vs Thackeray : केंद्रीय निवडणूक आयोगाने एकनाथ शिंदे गटाला शिवसेना हे नाव आणि धनुष्यबाण हे निवडणूक चिन्ह दोन्ही दिल्यानंतर राज्यातील राजकीय वातवरण पुन्हा एकदा ढवळून निघाले आहे.
यानंतर निर्णयानंतर उद्धव ठाकरे गटाकडून आक्रमक भूमिका घेण्यात आली आहे. यादरम्यान शिंदे गटाचे आमदार हे आज सभापती राहुल नार्वेकर यांची भेट घेऊन महत्वाची मागणी करणार आहेत अशी माहिती मिळत आहे.
शिंदे गटाचे आमदार शिवसेनेचं विधीमंडळ कार्यालय शिंदे गटाला सोपवावं यासाठी ते मागणी करणार आहेत. सकाळी १० वाजता ही भेट होणार आहे. शिंदे गटाच्या आमदारांना बाळासाहेबांची शिवसेनेच्या ऑफीसमध्ये जमायला सांगण्यात आले आहे.
त्यानंतर सकाळी दहा वाजता हे सर्व आमदार विधानसभा अध्यक्ष राहुल नार्वेकर यांची भेट घेणार आहेत. ही भेट २७ फेब्रुवारीपासून सुरू होत असलेल्या अधिवेशन बजेटमध्ये शिवसेनेचं विधीमंडळातील अधिकृत कार्यालय हे एकनाथ शिंदे गटाला देण्यात यावं अशी मागणी करण्यात येणार आहे.
नागपूर अधिवेशनाच्या वेळी ठाकरे गट आणि शिंदे गट या दोन्हीना वेगवेगळे ऑफिसेस देण्यात आले होते. आता निवडणुक आयोगाने शिंदे गटाला शिवसेना हे नाव दिलं असल्याने त्यांच्याकडूवन शिवसेनेच्या कार्यालयावर दावा सांगण्यात येतो आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
