अनिल परब किरीट सोमय्या यांच्यामुळे चर्चेत आलेल्या साई रिसॉर्टच्या मालकाने आता थेट मुंबई उच्च न्यायालयात धाव घेतली आहे. राजकीय पुढाऱ्यांच्या वादात माल नाहक नोटिसा का असा सवाल या मालकाने विचारला आहे. तसंच आपल्याला बाजू मांडण्याची संधीच मिळालेली नाही, असंही त्याने म्हटलं आहे.
याप्रकरणी याचिकाकर्ते सदानंद कदम यांच्या याचिकेवर सोमवारी हायकोर्टात होणार सुनावणी होणार आहे. केंद्रीय पर्यावरण, वन आणि हवामान विभागानं (एमओइएफसीसी) या रिसॉर्ट्सच्या मालकांना कारणे दाखवा नोटीस बजावली आहे. या नोटिसीमध्ये या रिसॉर्टवर कारवाई का करू नये?, अशी विचारणाही केली आहे. तसंच या रिसॉर्टकडून २५ लाखांचा दंडही वसूल करण्यात आला आहे.
या सगळ्या प्रकरणात आता या नोटिशीविरोधात या रिसॉर्टचे मालक सदानंद कदम यांनी मुंबई हायकोर्टात याचिका दाखल केली आहे. हा रिसॉर्ट आधी राज्याचे माजी परिवहन मंत्री आणि शिवसेना नेते अनिल परब यांच्या मालकीचं असल्याचा आरोप भाजपाचे माजी खासदार किरीट सोमय्या यांनी केला होता. त्यामुळे हा रिसॉर्ट सातत्याने चर्चेत होता. आताही लवकरच हा रिसॉर्ट आपण पाडणार असल्याचा दावा किरीट सोमय्या यांच्याकडून करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
