नक्षलवाद्यांच्या संदर्भात करायवयाच्या उपाययोजना याबाबत चर्चा करण्यासाठी केंद्रीय गृहमंत्री अमित शहा यांनी दिल्लीत बैठक बोलवली होती. यावेळी ७ ते ८ राज्याचे मुख्यमंत्री आले होते, अशी माहिती मुख्यमंत्री एकनाथ शिंदे यांनी दिली. शिंदे यांनी यावेळी उद्धव ठाकरे यांच्या आरोपांवर प्रत्युतर दिलं आहे.
कोरोना काळात मृतांच्या टाळूवरचे लोणी खाण्याचा प्रकार त्यांच्या सरकारमध्ये झालाय. नांदेडमधील प्रकार दुर्दैवी आणि वेदनादायी आहे. पण, यात राजकारण केलं जात आहे ते आणखी दुर्दैवी आहे. ज्यांना मृतांच्या टाळूवरचे लोणी खाण्याची सवय लागली आहे. त्यांच्याकडून आपण अधिक काही अपेक्षा करु शकत नाहीत, असं प्रत्युत्तर शिंदे यांनी दिलं आहे.
कोरोना काळात डेड बॉडी बॅगमध्ये पैसे खाल्ले, तीनशे ग्रॅम खिचडी १०० ग्रॅमला देवून पैसे खाल्ले, ऑक्सिजन प्लॅटमध्ये पैसे खाल्ले. हे बाहेर येत असल्याने लक्ष हटवण्यासाठी सीबीआयची मागणी केली आहे. ही मागणी चांगली आहे. यामध्ये कोरोना काळातील नक्की चौकशी होईल. औषधांची खरेदी चुकीच्या प्रकारे केली असेल तर त्याचीही चौकशी केली जाईल, असं मुख्यमंत्री म्हणाले.
नांदेडच्या प्रकरणाची देखील चौकशी सरकार करत आहे. कोणालाही पाठिशी घातलं जाणार नाही, असं शिंदे म्हणाले. कोरोना काळात तोंडावर मास्क लावून फेसबुक लाईव्ह घरात बसून करत होते, आम्ही रस्त्यावर उतरुन काम करतो. पीपीई कीट वापरुन हॉस्पिटलमध्ये गेलो. तेव्हा हे लोक घरात बसले होते. अशा प्रकारचे मुख्यमंत्री जगाने पाहिले नाहीत, असं मुख्यमंत्री म्हणाले.
ठाकरे घरात बसून पैसे मोजत बसले होते. कोरोना काळात त्यांचा खरा चेहरा समोर आला. मुंबई महापालिकेचे भ्रष्टाचाराचे पैसे कुठे गेले हे बाहेर येईल. नगरसेवक देखील घरात बसून काम करु शकत नाही. त्यामुळे घरात बसून काम करणाऱ्यांनी आम्हाला शिकवू नये. एक फूल आणि एक हाफ यांनी आम्हाला सांगू नये, अशी टीका शिंदे यांनी केली. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
