आगामी लोकसभा निवडणूक २०२४ साठी राजकीय पक्षांकडून मोर्चेबांधणीला सुरूवात करण्यात आली आहे. या निवडणूकीच्या पार्श्वभूमिवर विरोधकांच्या इंडिया आघाडीची दोन दिवसांनी (३१ ऑगस्ट) मुंबई येथे महत्वाची बैठक होणार आहे. मात्र या बैठकीपूर्वी शिवसेना (उद्धव बाळासाहेब ठाकरे) गटाचे नेते खासदार संजय राऊत यांनी गंभीर आरोप केले आहेत.
लोकसभा निवडणूक कुठल्याही परिस्थितीत जिंकण्यासाठी अयोध्येतील राम मंदिर उद्घाटनाच्या वेळी मोठा हल्ला घडवला जाऊ शकतो असा दावा संजय राऊतांनी केला आहे. देशात अनेक प्रश्न आहेत मात्र फक्त धार्मिक तेढ निर्णाण करून निवडणूकांना सामोरं जायचं हा एक कलमी अजेंडा भाजप राबवत असल्याचे देखील संजय राऊत म्हणाले आहेत. या मुद्द्यावर मुंबईत होणाऱ्या इंडिया आघाडीच्या बैठकीत चर्चा होणार असल्याचे देखील संजय राऊत म्हणाले.
आम्हाला भीती वाटते जसं गोध्रा केलं असं म्हणातात, त्याप्रमाणे राम मंदिराच्या उद्घाटनाच्या वेळी देशभरातून ट्रेन्स आयोध्येला बोलवून, एकाद्या ट्रेनवर पुलवामाप्रमाणे हल्ला घडवून देशात धर्मांधतेचा आगडोंब तर उसळवणार नाहीत ना? अशी भीती लोकांना वाटत आहे. हे काहीही करू शकतात. जर पुलवामा घडवलं जाऊ शकतं असं म्हणतात, गोध्रा घडवलं गेलं असं म्हटलं जात आहे. तर अशाच प्रकारचं कृत्य २०२४ च्या निवडणूका जिंकण्यासाठी केलं जाऊ शकतं अशी भीती देशातील प्रमुख राजकीय पक्षांना वाटत आहे, असेही संजय राऊत म्हणाले.
पुढे बोलताना त्यांनी इंडियाच्या बैठकीत यावर चर्चा होईल. अशी भीती जनतेला देखील वाटत आहे. पण आम्ही अत्यंत सावध आहोत असे देखील खासदार संजय राऊत म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
