मुंबई : हिंडेनबर्ग रिसर्चनं नवा खुलासा केल्यानं सरकार आणि सेबी पुन्हा एकदा अडचणीत आले आहेत. सेबीच्या अध्यक्षांचा अदानींच्या शेअर मार्केट घोटाळ्यात हात असल्याचं या नव्या अहवलानं म्हटलं आहे. या प्रकरणावरुन आता देश पुन्हा एकदा ढवळून निघाला आहे. त्यामुळं शिवसेनेनंही यावरुन केंद्र सरकारनं जोरदार हल्लाबोल केला आहे.
चोर आणि फौजदारानं देश लुटला असून ईडी आणि सीबीआय झिंग येऊ पडले आहेत, त्यामुळं त्यांना ही लूट दिसत नाहीए, अशा शब्दांत शिवसेनेनं अदानी, सेबी, केंद्र सरकार त्याचबरोबर ईडी-सीबीआय या तपास यंत्रणांवर हल्लाबोल केला आहे.
हिंडेनबर्गचा नवा रिपोर्ट समोर येताच सेबीच्या प्रमुख माधवी बूच यांनी तात्काळ राजीनामा द्यायला हवा होता. जर त्या राजीनामा देत नसतील तर अर्थमंत्री निर्मला सातीरामन यांनी त्यांना तात्काळ पदावरुन दूर करायला हवं होतं, असंही सामनानं आपल्या अग्रलेखात म्हटलं आहे. या प्रकरणात माधवी बूच यांनी आरोप फेटाळून लावताना आपलं चारित्र्यहननं होत असल्याचं तुणतुण त्या वाजवत आहेत. तर केंद्रातील मोदी सरकारनं यावर नेहमीप्रमाणं मौन बाळगलं असून हे गंभीर आहे.
शेअर बाजारात घोटाळा होऊनही अदानींवर कारवाई झाली नाही की सेबीच्या अध्यक्षांची हाकालपट्टी. सरकारच चोरांचे भागीदार झाल्यानं दुसरं होणार तरी काय? असा सवाल करत आपल्या देशावर सध्या चोरांचं राज्य आहे. देशाची ओळखच सध्या सरकार पुरस्कृत घोटाळेबाजांचा देश अशीच होताना दिसत आहे, शिवसेनेनं आपल्या मुखपत्रात म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
