मुंबई- मकाऊ हे निसर्गरम्य क्षेत्र नाही. पण, मानसाने जायला हवं. निरीक्षण केलं पाहिजे. अशाठिकाणी बसणे देखील गुन्हा नाही. पण, खोटं बोलणं गुन्हा आहे. मी पण मकाऊला गेलोय. एक गाव कसं उभ राहतंय हे मी तिथे पाहिलं. भारतीय जनता पक्षाला हे अंगावर ओढून घ्यायची गरज नव्हती, असं म्हणत खासदार संजय राऊत यांनी निशाणा साधला.
त्या व्यक्तीने साडेतीन कोटी रुपयांचे पोकर्स खरेदी केले. पोकर्स हे गॅमलिंग खेळण्याचे चलन आहे. भाजपच्या लोकांना चांगले दिवस आले आहेत. जे छायाचित्र प्रसिद्ध झालंय, त्यात त्यांचं कुटुंबिय कुठे आहेत? तुम्ही इतकं मनावर का घेताय? तुमची टोलधाड अंगावर का सोडताय? टोलधाड सोडण्यापेक्षा मी तिथे पाहिला गेलो हे सांगता आला असतं, असं राऊत म्हणाले.
लंडनला महाराष्ट्राचं शिष्टमंडळ गेलं. एखाद्या गोष्टीचा अभ्यास करण्यासाठी गेलं तर त्यात काही चुकीचं नाही. पण, तुम्ही नाकारताय कशाला? खोटं कशाला बोलताय? आदित्य ठाकरे डायट कोक पिताना दिसत आहेत. आपण काय पोस्ट करतोय याचं भान देखील भाजपला राहिलं नाही.माझ्याकडे मोदींचे फोटो आहे ते मी टाकू का? असा सवाल राऊतांनी केला.
टोलधाड मला धमकी देताहेत. समोर या, तोंडपाटीलकी करु नका. मानसिकदृष्ट्या आम्ही कमजोर आहोत. कारण, आमची मानसिकता महाराष्ट्राच्या संस्कृतीचं संरक्षण करणे ही आहे. भाजपसारख्या लोकांसोबत संघर्ष करण्याची आमची मानसिकता आहे. देशाला वाचवण्याची आमची विकृती आहे. संस्कृतीचे रक्षण हीच आमची मानसिकता आहे, असं राऊत म्हणाले.
ही भारतीय जुगार पार्टी आहे.नैतिकतेच्या नावावर दुसऱ्यांच्या घरी एजेन्सी पाठवली जाते आहे. एजेन्सीचा वापर करुन नेत्यांवर दबाव आणला जात आहे. मानसिक रुग्ण कोण आहे? विकृत कोण आहे?हे येत्या काळात स्पष्ट होईलच. मुंबई आणि महाराष्ट्र कोणाच्याही घशात घालू देणार नाही, असं राऊत म्हणाले.
पंतप्रधान मोदी सांगतात पवारांनी ७० हजार कोटीचा घोटाळा पवार यांनी केला. त्याच पवारांना मोदी मांडीवर घेऊन बसले. यावरून दिसतं कोण मनोरुग्ण आहे. ते फडणवीस याचं असं झालयं की स्वत:चं ठेवायचं झाकून आणि दुसऱ्याचं पहायचं वाकून. मुख्यमंत्र्यांनी मुंबई साफ करवी लवकरच महाराष्ट्राची जनता त्यांना साफ करेल. कलानगर येथून सुरूवात केली कारण कलानगरवर त्याचं प्रेम आहे. सर्व काही कलानगरनेच दिलयं त्यांना. हे ज्या खुर्चीवर बसलेत तेही कलानगरचीच बदोलत, असं म्हणत राऊतांनी निशाणा साधला. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
