बाळासाहेबांची शिवसेना आणि शिवसेना उद्धव बाळासाहेब ठाकरे यांच्यातला संघर्ष दिवसेंदिवस तीव्र होताना दिसत आहे. दोन्ही गटांकडून एकमेकांना शह काटशह देण्याची प्रयत्न सुरू आहेत. ठाकरे गटाकडून सुषमा अंधारे आपल्या सभांमध्ये आक्रमक भाषणं देताना दिसत आहेत. यातल्याच एका सभेत अचानक मंचावर गुलाबरावांची एन्ट्री झाली आणि राजकीय चर्चांना चांगलंच उधाण आलं.
नक्की झालं काय?
सुषमा अंधारे सध्या महाप्रबोधन यात्रेच्या निमित्ताने राज्यभर दौरे करत आहेत, सभांमधून वारंवर शिंदे गटावर कठोर टीका करत आहेत. अंधारेंची अशीच एक सभा शिंदे गटाचे मंत्री गुलाबराव पाटील यांच्या मतदारसंघात सुरू होती. ही सभा सुरू असतानाच राष्ट्रवादी काँग्रेसचे माजी मंत्री गुलाबराव देवकर आले आणि थेट मंचावर पोहोचले. त्यामुळे राष्ट्रवादी काँग्रेस आणि ठाकरे गट शिंदे गटाला शह देण्यासाठी एकत्र आल्याची चर्चा आहे.
गुलाबराव देवकर हे गुलाबराव पाटलांचे कट्टर विरोधक आहे. सुषमा अंधारेंची महाप्रबोधन यात्रा जळगावात होती. त्यावेळी त्यांच्या सभेत गुलाबराव आले. यावेळी त्यांनी गुलाबराव पाटलांच्या राजीनाम्याची मागणी केली. तसंच आम्ही उड्डाणपूल बांधला आणि उद्घाटन त्यांनी केलं. यांनी केलेलं एक काम दाखवून द्या आणि एक लाख रुपये घेऊन जा, असं आव्हानही देवकर यांनी पाटलांना दिलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
