Charges Filed Against Jaydeep Apte and Ketan Patil; Jitendra Awhad Criticizes Apte’s Facebook Behavior
सिंधुदुर्ग जिल्ह्यातील छत्रपती शिवाजी महाराजांचा पुतळा कोसळल्यामुळे महाराष्ट्रातील राजकीय वातावरण गरम झालं आहे. या पुतळ्याच्या पडण्यामुळे राज्यभरात विरोधकांनी तीव्र प्रतिक्रिया व्यक्त केली आहे, आणि कांग्रेसने यावर राज्यव्यापी आंदोलन सुरू केलं आहे. पुतळ्याचा हा गंभीर अपघात राज्यात चर्चेचा विषय बनला आहे. पुतळा तयार करणाऱ्या जयदीप आपटेच्या कामगिरीवर प्रश्नचिन्ह उपस्थित करण्यात आले. सिंधुदुर्ग पोलिसांनी आपटेसह चेतन पाटीलवर गुन्हा दाखल केला असून, या प्रकरणात दोन्ही व्यक्तींना अटक होऊ शकते.
राष्ट्रवादी काँग्रेसचे आमदार जितेंद्र आव्हाड यांनी या मुद्द्यावर चांगलीच आक्रमक भूमिका घेतली आहे. त्यांनी जयदीप आपटेच्या फेसबुकवरील वर्तनावर टीका केली आहे. आव्हाडांनी सांगितलं की, "जयदीप आपटे फेसबुकवर आपल्या मित्राशी माजल्यासारखा बोलतो. त्याच्याच एका मित्राने पुतळ्याच्या डोक्यावर आठवणीची खूण ठेवली आहे, हे त्याने सांगितले."
आव्हाडांनी हेही जोडले की, "आपटेने पुतळा बनवताना योग्य अभ्यास केला असता तर महाराष्ट्राला अपमानित होण्याची वेळ आली नसती."
आव्हाडांनी आपल्या आरोपांमध्ये सांगितलं की, "जैसे अफजलखानाच्या वकिल कृष्णा कुलकर्णीने महाराजांवर वार केला होता, तसाच वार आज देखील पुनरावृत्त होतो आहे." त्यांनी हे स्पष्ट केले की, "इतिहासात महाराजांनी कुलकर्ण्याचे मुंडके छाटून स्वराज्याच्या रक्षा केली होती".
आजच्या परिस्थितीवर टिप्पणी करताना आव्हाडांनी उल्लेख केला की, "आजच्या दोन्ही मित्रांमधील फेसबुकवरील चर्चा आणि त्यात महाराजांच्या डोक्यावर खुणांचा उल्लेख करून ती दाखवणे खूपच किळसवाणे आहे."
"या निमित्ताने पुन्हा एकदा सिद्ध झाले की आपल्या महाराजांवर वार करणाऱ्या अफजलखानाचा वकील कृष्णा कुलकर्णीच्या औलादी आजही जीवंत आहेत", असे देखील आव्हाड म्हणाले.
जितेंद्र आव्हाड म्हणाले, "कुलकर्ण्याने केलेला तो वार फक्त महाराजांवर नव्हता, तर तो वार स्वराज्यावर होता मराठी मनावरची न मिटणारी जखम म्हणूनच महाराजांनी आपल्या तलवारीने कुलकर्ण्याचे मुंडके छाटले, हा इतिहास आहे. महाराजांच्या डोक्यावरील खुणेचा उल्लेख करून ती दाखवणे... किळस येते ! या आपटेला आपटावासा वाटतोय."
सिंधुदुर्गातील पुतळा अपघाताच्या प्रकरणामुळे राज्यातील राजकीय वातावरणात तणाव आलेला आहे. या प्रकरणाची सखोल चौकशी होईल आणि आरोपींना काय दंड मिळतो हे पाहणे महत्त्वाचे ठरेल. जयदीप आपटे आणि चेतन पाटील यांच्यावर असलेले आरोप राज्यातील राजकीय चर्चेला नवीन वळण देत आहेत. हे नवे वाद व आपटेच्या आरोपांच्या चौकशीनंतर राज्यातील राजकीय चित्र बदलण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
