ब्राह्मणांचा एवढा द्वेष तर फडणवीसांसोबत सत्तेत का? काकासाहेब कुलकर्णींचा भुजबळ यांना सवाल

Mumbai News- सरकारमधील मंत्री छगन भुजबळ यांनी ब्राह्मण समाजामधील नावांबाबत केलेल्या विधानामुळे राजकारण ढवळून निघालं आहे. आता भुजबळ यांच्यावर जोरदार टीका केली. आता काँग्रेसचे प्रदेश प्रवक्ते बाळासाहेब कुलकर्णी यांनी भुजबळ यांच्यावर जोरदार टीका केली आहे.

बाळासाहेब कुलकर्णी म्हणाले की, छगन भुजबळ महाराष्ट्रातला कमी बुद्धीचा माणूस आहे, ज्या नावाने त्यांची दुकानदारी सुरू आहे, त्या सावित्रीबाई फुले, महात्मा ज्योतिबा फुले यांचे फक्त नाव घ्यायचं. परंतु त्यांचे साहित्य वाचायचे नाही, अशी त्यांची स्थिती आहे.

छगन भुजबळ चुकीचा इतिहास सांगत आहेत, सावित्रीबाई फुले यांनी स्वतःच्या चरित्रात काव्य फुले नावाचं पुस्तक लिहिलं. त्यात त्यांनी शाळेला सरस्वतीचा दरबार असे उद्गार काढले होते, असा दावा कुलकर्णी यांनी केला. सावित्रीबाई फुले यांनी लिहिलेलं साहित्य नाकारायच का? छगन भुजबळ यांचा अभ्यास कमी आहे. महाराष्ट्राच्या राजकारणात त्यांचा किती अभ्यास आहे, त्यांची डिग्री काय याचा शोध घेण्याची वेळ आल्याचं कुलकर्णी यांनी नमूद केलं.

दरम्यान त्या पुस्तकाच्या पहिल्या पानावरचं शंकर पार्वतीचा फोटो आहे, सावित्रीबाई फुले यांनी शंकरावर कविता केली आहे. फुले कुटुंबीयांचं साहित्य नाकारण्याचं पाप छगन भुजबळ करत आहेत. त्यामुळे मी त्यांचा धिक्कार करतो. भुजबळांचा ज्या पद्धतीने सावित्रीमाई फुले, महात्मा फुले यांच्याविषयीचा अभ्यास कमी आहे. त्याच पद्धतीने ब्राह्मण समाजाबाबतचा अभ्यास कमी आहे.

दरम्यान माझा प्रश्न आहे, की छगन भुजबळ यांना ब्राह्मणांचा एवढा द्वेष होता तर देवेंद्र फडणवीस यांच्या मांडीला मांडी लावून कसे बसलात. आपण त्या ठिकाणी बोलायला पाहिजे होतं देवेंद्रजी आपण ब्राह्मण आहात मी तुमच्या शेजारी बसणार नाही. परंतु दुर्दैवाने सत्तेसमोर ते लाचार आहेत. भुजबळांना महाराष्ट्रातील सर्वात कमी बुद्धीचा माणूस, कमी शैक्षणिक पात्रेचा माणूस, म्हणलं तरी वावग ठरणार नाही, असंही कुलकर्णी यांनी नमूद केलं. (Latest Marathi News)