Maratha Reservation : संसदेच्या विशेष अधिवेशनात मराठा, धनगर आरक्षणाचा प्रश्न कायमचा सोडवा; रोहित पवारांची मागणी

जळगाव - मराठा आरक्षणाचा मुद्दा चिघळत चालला आहे. त्यातच मराठा आंदोलकांना झालेल्या मारहाणीच्या मुद्दावरून राजकारण तापलं आहे. त्यातच राष्ट्रवादी काँग्रेसकडून विशेष अधिवेशन बोलविण्यात आलं आहे. या अधिवेशनात मराठा आऱक्षणासह धनगर आरक्षणाचा निपटारा करण्याची मागणी करण्यात आली आहे. (Latest Marathi News)

मराठा आरक्षणाच्या घटनेवरून मराठा समाज तसेच विविध पक्ष आक्रमक झाले आहेत. जळगावात आमदार रोहित पवार यांनी मराठा समाजाच्या पदाधिकाऱ्यांसोबत महत्त्वपूर्ण बैठक घेतली. (Marathi Tajya Batmya)

यावेळी रोहित पवार म्हणाले की, पाच दिवसांचे तातडीचे संसदेचे अधिवेशन होत आहे. मराठा आरक्षणासह धनगर समाजाच आरक्षण आणि इतर समाजाचे विषय हे कायमचे संपवावे यासाठी केंद्र आणि राज्य अशा दोन्ही सरकारकडे मी विनंती करणार आहे.

दरम्यान मराठा आरक्षणासंदर्भात पाठपुरावा करू तसेच वेळप्रसंगी आरक्षण प्रश्नी संघर्ष करावा लागला तर संघर्ष ही करू असं महत्त्वपूर्ण विधान रोहित पवार यांनी केलं. जालना जिल्ह्यात मराठा आंदोलकांवर झालेल्या लाठीचार्जचा निषेध राज्यभरात नोंदवण्यात येत आहे. यामुळे अनेक जिल्ह्यांत बंदची हाक देण्यात आली आहे.