दिवाळीसाठी एसटी महामंडळाने यंदाच्या वर्षीसुद्धा जादा बस सोडण्याचे नियोजन केले आहे. पुण्यात आज त्याबाबत बैठक पार पडली असून लवकरच त्याची घोषणा केली जाणार आहे. गेल्या वर्षी नियोजित एसटीच्या फेऱ्यांव्यतिरिक्त मुंबईतून १५०; तर पुण्यातून २०० बस सोडण्यात आल्या होत्या. त्याप्रमाणे यंदाही राज्यभरात लांब पल्ल्यांसाठी एसटी महामंडळाने नियोजन केले आहे.
मुंबई, पुणे, औरंगाबाद, नाशिक इत्यादी ठिकाणांहून लांब पल्ल्यांवर धावणाऱ्या खासगी बसची संख्या सर्वाधिक आहे. त्यामुळे एसटीने त्या ठिकाणांहून प्रवाशांना लांब पल्ल्याचा सुरक्षित प्रवास देण्याचा प्रयत्न चालवला आहे.
पुण्यात नोकरी वा शिक्षणाच्या निमित्ताने असणारे विदर्भातील नागरिक दिवाळीला हमखास घरी परततात. मात्र, रेल्वेचे आरक्षण मिळत नसल्याने नाईलाजास्तव ते खासगी ट्रॅव्हल्सचा वापर करतात. अशा वेळी पर्याय म्हणून पुण्याहून विदर्भासाठी सर्वाधिक बस सोडण्याचा विचारही एसटी महामंडळ करत असल्याचे सांगण्यात आले.
खासगी वाहतूकदारांवर करडी नजर
एसटी स्थानकांवरून टप्पा वाहतूक, जादा प्रवासी आणि जादा भाड्याशिवाय मोटार वाहन कायद्यातील तरतुदींचे उल्लंघन करणाऱ्या खासगी ट्रॅव्हल्स चालकांवर राज्य परिवहन विभागाची करडी नजर राहणार आहे. अशा वाहतूकदारांवर कठोर कारवाई करण्याच्या सूचनाही राज्य परिवहन विभागाने दिल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
