शिवसेनेतील अंतर्गत बंडाळी शमविण्यासाठी उचलले 'हे' पाऊल

मुंबई : विधानसभा निवडणूक शिवसेना-भाजपने युतीमध्ये लढविली खरी मात्र सत्ता स्थापनेसाठी भाजप-सेनेतील युती तुटण्याची संभवना निर्माण झाली आहे. 

दरम्यान, गेल्या चार दिवसांपासून मातोश्री बाहेर युवा पक्ष प्रमुख आदित्य ठाकरे मुख्यमंत्री होणार असे बॅनर लावण्यात आले हाेते. आता मात्र पक्षप्रमुख उद्धव ठाकरे मुख्यमंत्री व्हावेत असे बॅनर लागले आहेत. मातोश्री बाहेर ही बॅनर लावण्याची वेळ सेनेवर का आली, मातोश्रीच्या गोटात अंतर्गत बंडाळी हाेण्चीया भीती सेनेला वाटते का असे सवाल आता उपस्थित हाेत आहेत.  

दरम्यान, गेली पाच वर्षे भाजप-सेना सत्तेत असताना सेेनेच्या वरिष्ठ नेत्यांनी मंत्री पदावर कारभार केला त्यांना ही मुख्यमंत्री पदाची स्वप्न पडू लागली आहेत. यातील एखादा सूर मुख्यमंत्री पदासाठी बाहेर येईल, बंडाळी वाढेल याची भीती बाळगत मातोश्रीने आधीच आदित्य आणि नंतर उद्धव ठाकरे यांनी मुख्यमंत्री व्हावे असे बॅनरबाजी करून ठेवली आहे का असा राजकीय चर्चेला उधाण आले आहे.

आदित्य ठाकरे हे युवा नेतृत्व आहे, त्यात ते नव्याने आमदार झाल्याने, अनुभव नसल्याने त्यांचे नेतृत्व शिवसेनेच्या बड्या नेत्यांना साहजिकच नको आहे. आपले आमदार फुटू नयेत याची काळजी जरी मातोश्रीने घेतली असली तरीही मुख्यमंत्रीपदी आदित्य अथवा उद्धव ठाकरे बसतील असे बॅनर लावत आपल्याच बड्या नेत्यांचे आवाज दाबून ठेवले आहेत.

अश्यातही शिवसेनेत ज्या बड्या नेत्यांना आपण मुख्यमंत्री होऊ अशी स्वप्न पडत आहेत त्यांनी बंडाळीचा सूर काढला तर याचा फायदा भाजप ही घेऊ शकते ही देेखील भीती मातोश्रीला आहे.