Student Loans : राज्यात अल्पसंख्याक विद्यार्थ्यांना ३० कोटी कर्ज

छत्रपती संभाजीनगर - शासनाच्या डॉ. ए. पी. जे. अब्दुल कलाम, शैक्षणिक कर्ज योजना व मौलाना आझाद शैक्षणिक कर्ज योजनेतून योजनेतून राज्यातील अल्पसंख्याक विद्यार्थ्यांना शैक्षणिक कर्ज दिले जाते.

या कर्ज योजनेतून १ एप्रिल २०२३ ते ३१ मार्च २०२४ या शैक्षणिक वर्षासाठी राज्यातून २ हजार ९४२ विद्यार्थ्यांना ३० कोटी ६३ लाख ९६ हजार ६४० रुपये कर्जाचे वाटप करण्यात आले.

आर्थिकदृष्ट्या मागासलेल्या अल्पसंख्यांक मुस्लीम, ख्रिश्चन, बौद्ध, शीख, जैन, पारशी व ज्यू यांच्या सामाजिक व आर्थिक उन्नतीसाठी २७ सप्टेंबर २००० ला मौलाना आझाद अल्पसंख्यांक आर्थिक विकास महामंडळाची स्थापना करण्यात आली होती.

त्या अंतर्गत सामाजिक व आर्थिक उन्नतीसाठी विविध कर्ज योजना, प्रशिक्षण योजना सुरू करण्यात आल्या होत्या. अल्पसंख्याक समाजातील व्यावसायिक अभ्यासक्रमाचे शिक्षण घेणाऱ्या विद्यार्थ्यांना मौलाना आझाद अल्पसंख्याक आर्थिक विकास महामंडळाकडून ५ लाख रुपयांपर्यंत शैक्षणिक कर्ज दिले जाते.

कोण आहे पात्र?

ही शिष्यवृत्ती मुस्लीम, ख्रिश्चन, बौद्ध, शीख, जैन, पारशी व ज्यू या समाजांचा अल्पसंख्याक समाजातील दहावी आणि बारावीनंतर व्यावसायिक अभ्यासक्रमाचे शिक्षण घेणारे विद्यार्थी या योजनेसाठी पात्र आहेत.

पात्र अभ्यासक्रम-

आयटीआय पॉलिटेक्निक, इंजिनिअरिंग, मेडिकल, नर्सिंग, फॅशन डिझायनिंग, टुरिझम, पत्रकारिता, मास मीडिया, ॲनिमेशन, हॉटेल मॅनेजेमेंट आदी अभ्यासक्रम.असे मिळेल विद्यार्थ्यांना कर्ज

केंद्राच्या डॉ. ए. पी. जे. अब्दुल कलाम शैक्षणिक कर्ज योजनेतून पाच लाख रुपयांपर्यंत ३ टक्के व्याजाने शैक्षणिक कर्ज मिळू शकते. पुढील पाच वर्षांत कर्जफेड करणे अपेक्षित असते.

जो कर्ज मागायला येतो तो स्वखुशीने येत नाही. आर्थिक स्थिती बिकट असल्यामुळे व उच्चशिक्षण घेण्याची प्रबळ इच्छा असल्यामुळे शैक्षणिक कर्ज घेण्यासाठी पालक येतात. राज्यात २ हजार ९४२ लाभार्थ्यांना आम्ही मौलाना आझाद अल्पसंख्यांक आर्थिक विकास महामंडळातर्फे शैक्षणिक कर्जाचे वाटप केले.

- शेख जहीर, जिल्हा व्यवस्थापक, मौलाना आझाद अल्पंख्याक आर्थिक विकास महामंडळ.