…म्हणून आघाडीचा बीपी वाढला; सुधीर मुनगंटीवारांचे टीकास्त्र

विरोधी पक्ष नेते देवेंद्र फडणवीस (Devendra Fadnavis) यांची फोन टॅपिंगप्रकरणी चौकशी सुरु असतानाच भाजप कार्यकर्त्यां बरोबरच नेत्यांनीही महाविकास आघाडीवर टीका करण्यास सुरुवात केली आहे. भाजपा नेते सुधीर मुनगंटीवार (Sudhir Mungantiwar) यांनी प्रसारमाध्यमांशी बोलताना आज राज्य सरकारवर निशाणा साधला. आता दुर्योधन-दु:शासनही म्हणत असतील की रिश्ते में तो ये सरकार हमारी बाप लगती है असा खोटक टोला त्यांनी लगावला.

यावेळी ते म्हणाले, भ्रष्टाचार उघडकीस आणणाऱ्यांना नोटीस पाठवली जाते ही जगातली एकमेव केस असेल. हा अजब सरकारकी गजब कहानी अंधेर नगरी चौपट राजा टकासीर भाजी टकासेर खाजा.. आता दुर्योधन-दु:शासनही म्हणत असतील की रिश्ते में तो ये सरकार हमारी बाप लगती है. कारण हे तर आमच्यापेक्षा दुष्टपणे वागत आहेत अशा शब्दांत मुनगंटीवार यांनी राज्य सरकारवर टीका केली.

देवेंद्र फडणवीसांनी विधानसभेत जे पुरावे उपलब्ध करून दिले, त्याचं कौतुक करण्याऐवजी चार राज्यांत भाजपाचा विजय झाला, म्हणून महाविकास आघाडीचा (Maha Vikas Aghadi) बीपी वाढला आहे. त्यामुळे सूडाच्या भावनेने हे सरकार सत्तेचा दुरुपयोग करत असल्याचा आरोप सुधीर मुनगंटीवार यांनी केला.