Ashadhi Ekadashi : ‘संत मुक्ताईच्या सोहळ्यात महिला दिंड्यांना सहकार्य’;भागवत धर्म प्रचारक पुरस्काराचे वितरण

पंढरपूर : ‘‘संत मुक्ताबाई पालखी सोहळा व्यसनमुक्तीचा उपक्रम प्रभावीपणे राबविणार आहे. त्यासाठी पत्रकारांची मदत घेण्यात येणार आहे. त्याबरोबर पुढील वर्षीपासून वारीत महिला वारकरी दिंड्यांना संस्थानच्या वतीने सर्वतोपरी सहकार्य केले जाणार आहे,’’ असे प्रतिपादन श्री संत मुक्ताबाई संस्थानचे अध्यक्ष रवींद्र पाटील यांनी सांगितले.

भागवत धर्माचा प्रसार करणाऱ्या व वारीचे वार्तांकन करणाऱ्या पत्रकाराला संत मुक्ताबाई संस्थानाच्या वतीने प्रल्हादराव पाटील यांच्या स्मरणार्थ भागवत धर्म प्रचारक पुरस्कार दिला जातो. यंदाचा पुरस्कार ‘सकाळ’चे खडकवासला येथील बातमीदार राजेंद्रकृष्ण कापसे यांना प्रदान करण्यात आला.

या वेळी सोहळाप्रमुख रवींद्र महाराज हरणे, विश्वस्त पंजाबराव पाटील, भागवत धर्म प्रसारक मंडळाचे अध्यक्ष सूर्यकांत भिसे आदी उपस्थित होते. हरणे महाराज म्हणाले, ‘‘पत्रकारांनी वारीच्या माध्यमातून सकारात्मक वारी समाजात पोहोचविण्याचे काम केले आहे.’’ या वेळी छायाचित्रकार राघव पसरिचा, इटली येथील इव्हा यांचाही सत्कार करण्यात आला.