Dabholkar Murder Case:अंधश्रद्धा निर्मलनासाठी काम करणारे नरेंद्र दाभोळकर, सीपीआय नेते गोविंद पानसरे, पत्रकार गौरी लंकेश आणि अभ्यासक एमएम कलबुर्गी यांच्या हत्येमध्ये काही ‘समान धागा’ आहे का, अशी विचारणा सर्वोच्च न्यायालयाने शुक्रवारी सीबीआयला केली.
अंधश्रद्धेविरोधात आवाज उठवणाऱ्या दाभोलकर यांची २० ऑगस्ट २०१३ रोजी पुण्यात मॉर्निंग वॉक सुरू असताना मोटारसायकलवरून आलेल्या दोन हल्लेखोरांनी गोळ्या झाडून हत्या केली होती. पानसरे यांची 20 फेब्रुवारी 2015 रोजी, तर लंकेश यांची 5 सप्टेंबर 2017 रोजी हत्या झाली होती. कलबुर्गी यांची 30 ऑगस्ट 2015 रोजी गोळ्या झाडून हत्या करण्यात आली होती.
नरेंद्र दाभोलकर यांची कन्या मुक्ता दाभोलकर यांच्या याचिकेवर सुनावणी करताना न्यायमूर्ती संजय किशन कौल आणि न्यायमूर्ती सुधांशू धुलिया यांच्या खंडपीठाने केंद्रीय अन्वेषण विभागाला (सीबीआय) हा प्रश्न विचारला. मुक्ता दाभोळकर यांनी आपल्या वडिलांच्या हत्येच्या तपासासंदर्भात या वर्षीच्या १८ एप्रिलच्या मुंबई उच्च न्यायालयाच्या आदेशाला आव्हान दिले आहे.
मुक्ता दाभोळकर यांची बाजू मांडणारे ज्येष्ठ वकील आनंद ग्रोव्हर यांनी खंडपीठाला सांगितले की, चार हत्यांमागे मोठा कट होता. ते म्हणाले की," उपलब्ध पुराव्यांवरून असे सूचित होते की ही प्रकरणे जोडली जाऊ शकतात आणि मुक्ता दाभोलकर यांनी हा मुद्दा उच्च न्यायालयासमोर मांडला होता.
ग्रोव्हर यांनी खटल्याशी संबंधित मुद्द्यांवर युक्तिवाद करण्यास सुरुवात करताच, खंडपीठाने त्यांना सांगितले की, उच्च न्यायालयाने दाभोलकर हत्या प्रकरणाची सुनावणी सुरू आहे आणि काही साक्षीदार तपासण्यात आले आहेत. त्यानंतर वकील ग्रोवर यांनी दोन आरोपी फरार असल्याची माहिती दिली. (Latest Marathi News)
दाभोलकर हत्या प्रकरणाची सद्यस्थितीबद्दल भाटी यांनी खंडपीठाला सांगितले की, खटल्यादरम्यान आतापर्यंत 20 साक्षीदार तपासण्यात आले आहेत. खंडपीठाने भाटी यांना सांगितले की, याचिकाकर्त्याने कटात आणखी लोक सामील असल्याचा आरोपही केला आहे. खंडपीठाने नमूद केले की याचिकाकर्त्याच्या वकिलाला काही कागदपत्रांच्या भाषांतरासाठी वेळेची गरज आहे, ज्यामुळे ASG ला या हत्यांशी संबंधित मोठ्या कटाच्या मुद्द्याचा तपास करण्यात मदत होईल.
दाभोळकर हत्या प्रकरणाची सद्यस्थितीबद्दल भाटी यांनी खंडपीठाला सांगितले की, खटल्यादरम्यान आतापर्यंत 20 साक्षीदार तपासण्यात आले आहेत. खंडपीठाने भाटी यांना सांगितले की, याचिकाकर्त्याने कटात आणखी लोक सामील असल्याचा आरोपही केला आहे. खंडपीठाने नमूद केले की याचिकाकर्त्याच्या वकिलाला काही कागदपत्रांच्या भाषांतरासाठी वेळेची गरज आहे, ज्यामुळे ASG ला या हत्यांशी संबंधित मोठ्या कटाच्या मुद्द्याचा तपास करण्यास मदत होईल.(Latest Marathi news)
दाभोळकर, पानसरे आणि लंकेश यांच्या हत्येमध्ये सामाईक संबंध असल्याचा सीबीआयला संशय असल्याचे ग्रोव्हर यांनी 18 मे रोजी सर्वोच्च न्यायालयात सांगितले होते. ते म्हणाले होते, "या नंतरच्या घटनांमध्ये (पानसरे आणि लंकेश हत्या) आणि दाभोळकर यांच्या हत्यांमध्ये वापरलेली शस्त्रे एकच होती आणि गुन्ह्यांमध्ये सहभागी असलेल्या व्यक्ती एकच असल्याचे तपासात आढळून आले आहे." त्यामुळे सीबीआयला अधिक तपास करायचा होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
