मुंबईः उद्या राज्यभरात तलाठी परीक्षेचा पेपर होत आहे. परंतु सध्या मराठा आरक्षणामुळे निर्माण झालेली स्थिती बघता, ही परीक्षा पुढे ढकलावी अशी मागणी होतेय. राज्याच्या विरोधी पक्षनेत्यांनी राज्याच्या मुख्य सचिवांकडेदेखील ही मागणी केलीय.
शुक्रवारपासून राज्यात मराठा आरक्षणाचा विषय पेटलेला आहे. अनेक शहरं बंद पुकारण्यात येत आहेत. शिवाय संतप्त आंदोलक आक्रमक मार्गाचा अवलंब करीत आहेत. काही ठिकाणी एसटी बसेस पेटवून देण्यात आलेल्या आहेत. त्यामुळे उद्याची तलाठी भरती परीक्षा पुढे ढकलण्यात यावी, अशी मागणी होतेय.
विधानसभेचे विरोधी पक्षनेते विजय वडेट्टीवार यांनी मुख्य सचिवांकडे अशी मागणी केलीय. वडेट्टीवारांनी मुख्य सचिवांशी यासंदर्भात चर्चा केल्याचीही माहिती मिळतेय. शिवाय अनेक ठिकाणी एसटी बसेस बंद ठेवण्यात आलेल्या आहेत. पुण्यातून मराठवाड्यात जाणाऱ्या बस बंद आहेत.
महत्त्वाचं म्हणजे उद्याच्या परीक्षेसाठी विद्यार्थी परीक्षा केंद्राकडे आजच निघत आहेत, परंतु काहींना वाहनाची सोय होत नाहीये. तर काहीजण परीक्षा केंद्रावर दाखल झालेले आहेत. उमेदवारांची गैरसोय होऊ नये म्हणून तलाठी परीक्षेचा उद्याचा पेपर पुढे ढकलण्यात यावा, अशी मागणी करण्यात येतेय.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
