मुंबई- तमिळनाडूतील मंत्री आणि मुख्यमंत्री एमके स्टॅलिन यांचे पुत्र उदयनिधी स्टॅलिन यांनी सनातन धर्माविषयी केलेल्या वक्तव्यातून राजकीय वातावरण ढवळून निघत आहे. भाजपने त्यांच्या या वक्तव्याचा निषेध करुन त्यांच्यावर टीकेची झोड उठवलीये. काँग्रेसने या प्रकरणावर बचावात्मक पवित्रा घेतला आहे. त्यातच वंचित बहुजन आघाडीचे प्रमुख प्रकाश आंबेडकर यांनी उदयनिधी यांच्या वक्तव्याचे समर्थन केले आहे.
प्रकाश आंबेडकर यांनी फेसबुकवर पोस्ट केली असून सनातनचा अर्थ एका शब्दांत सांगितला आहे. सनातन म्हणजे छुआछूत (अस्पृशता) असं ते म्हणाले आहेत. प्रकाश आंबेडकर यांनी कोणाचे नाव न घेता ही पोस्ट केली आहे. पण, सध्या सनातन या शब्दावरुन सुरु असलेला गोंधळ पाहता त्यांनी उदयनिधी यांना पाठिंबा दिल्याचे स्पष्ट होत आहे.
उदयनिधी स्टॅलिन यांनी सनातन धर्माविषयी एका कार्यक्रमात भाष्य केलं होतं. सनातन धर्म हा कोरोना, डेंगु, मलेरिया सारखा आहे. यांचे जसे आपण निर्मुलन करतो तसेच सनातन धर्माचे आपणाला निर्मुलन करावे लागेल. सनातन धर्माला विरोध करुन काही फायदा होणार नाही. समाजात समानता स्थापित करायची असेल तर सनातनला संपूर्ण नष्ट करावे लागेल, असं ते म्हणाले होते.
उदयनिधी यांच्या वक्तव्यानंतर देशभर त्याच्या प्रतिक्रिया उमटत आहेत. भाजपच्या नेत्यांनी सोशल मीडियावर पोस्ट करुन उदयनिधी यांना लक्ष्य करण्याचा धडाका लावला आहे. केंद्रिय गृहमंत्री अमित शहा यांनीही यावर भाष्य केलं असून हिंदू द्वेषातून हे झाल्याचं ते म्हणाले आहेत. काँग्रेसने सावध भूमिका घेतली असून पक्षात दोन गट पडल्याचं दिसतंय. दरम्यान, उदयनिधी यांनी सोमवारी बोलताना आपल्या वक्तव्यावर ठाम असल्याचं वक्तव्य केलं. मी पुन्हा पुन्हा याचा उल्लेख करेन, असं ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
