चौकशी समितीच्या अहवालामध्ये हा घोटाळा उघडकीस आल्याचे समोर आले आहे
भाजपाचे विरोधी पक्षनेते प्रवीण दरेकर आणि किरीट सोमय्या यांच्यानंतर आता नागपुरातही भाजप नेत्यांवर कारवाईची टांगती तलवार दिसत आहे. कारण सध्या नागपुरातील भाजपाचे आमदार कृष्णा खोपडे यांच्यावर टीडीआर घोटाळ्याचा आरोप होत आहे. चौकशी समितीच्या अहवालामध्ये हा घोटाळा उघडकीस आल्याचे समोर आले आहे. दरम्यान, भाजपाच्या नेत्यांमागेही घोटाळे उघडकीचा सेसमिरा लागला आहे का ? असे सवाल उपस्थित होत आहे.
नागपुरातील भाजपा आमदार कृष्णा खोपडे यांच्यावर टीडीआर घोटाळ्याचा आरोप होत आहे. हा घोटाळा जुना आहे. सरकारी जमिनीवरच्या डीआर प्रकरणाचा आहे. हा जमीन खरंतर युएससीच्या अंतर्गत आरक्षण नसल्यानं टीडीआर घेऊन तो विकून हा सगळा व्यवहार करता येत नाही. यात कोर्टानं गुन्हे दाखल करून मग चौकशी करावी असे आदेश दिले आहेत. मात्र महानगरपालिका आणि त्यावेळी राज्यांमध्ये फडणवीस सरकार असताना ही चौकशी पुढे जाताना दिसत नव्हती. मात्र आत यात राजकीय पैलु असल्याचे बोलले जात आहे.
नागपुरमध्ये महानगरपालिकेमध्ये असणार विरोधी पक्षनेते कॉंग्रसचे तानाजी वणवे यांनी भाजपा आमदार खोपडेंविरोधात तक्रार दाखल केली आहे. याप्रकरणात मुख्य सुत्रधार आमदार कृष्णा खोपडे असल्याचा आरोपही त्यांनी केला आहे. याप्रकरणात चौकशी झाली असुन हा गैरव्यवहार झाला असल्याचे स्पष्ट झाले आहे. दरम्यान, आता हा संबंधित अहवाल अर्बन डेव्हलपमेंट मिनीस्ट्रीला सादर केला असून यावर कारावाई होणार का याकडे राजकीय वर्तुळाचे लक्ष लागले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
