नाशिक रोड : सध्या टीईटी घोटाळा (TET scam) गाजतो आहे, पण यापेक्षाही मोठा शिक्षकभरती घोटाळा (Teacher recruitment scam) महाराष्ट्रात झाला आहे. दुर्दैवाने त्याची चर्चा झाली नाही. टीईटी पास नसलेले हजारो शिक्षक सेवेत घेण्यात आले आहेत. त्यामुळे आता या शिक्षण व्यवस्थेवर प्रश्नचिन्ह निर्माण होत असल्याचे मत शिक्षण तज्ज्ञ हेरंब कुलकर्णी यांनी व्यक्त केले.
टीईटीची अट २०१३ ला लागू झाली व २०१३ ला शिक्षकभरती बंद झाली. यातून पळवाट काढत शिक्षक २०१२ पूर्वी आमच्या शाळेत काम करीत होते, असे रेकॉर्ड तयार करून अधिकाऱ्यांना पैसे देऊन शिक्षकांना मान्यता मिळविल्या व ते हजारो शिक्षक आज सेवेत रूजू केले आहेत व असे प्रत्येक जिल्ह्यात ५०० पेक्षा जास्त शिक्षक आहेत. शिक्षकांच्या सह्या असलेले हजेरीपुस्तक २०१२ पूर्वीपासून दाखवायचे आणि ते शिक्षक २०१२ पासून नोकरीत होते. त्यामुळे ते शिक्षक भरतीपूर्वी कामाला होते, असे रेकॉर्ड तयार करायचे. त्याला शिक्षणाधिकाऱ्यांची मान्यता मिळविली. त्याला मंत्रालय स्तरावरून मान्यता दिल्या गेल्या व हे शिक्षक इयत्ता नवीवी व दहावीला शिकवीत होते, असे दाखवून टीईटीतून सूट मिळवून घेतली.
''हा घोटाळा उघड करण्याचा सोपा मार्ग म्हणजे २०१२ नंतर शिक्षक भरती बंद असताना, २०१२ नंतर जिल्ह्यात नवे शिक्षक किती भरती झाले, ही संख्या घेतली की हा घोटाळा उघड होईल. त्याकाळात अतिरिक्त शिक्षक उपलब्ध असताना व शिक्षकभरती बंद असताना ही शिक्षकभरती झाली कशी? टीईटी पास नसताना हे शिक्षक या व्यवस्थेत कसे आले, हा प्रश्न अधिकाऱ्यांना विचारायला हवा.'' - हेरंब कुलकर्णी, शिक्षण तज्ज्ञ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
