मुंबई : राज्य विधीमंडळाच्या हिवाळी अधिवेशनाला (Winter Session) आजपासून सुरुवात होत आहे. दरम्यान, एक धक्कादायक माहिती समोर आली आहे. अधिवेशनाला सुरुवात होण्यापूर्वीच दहा जण कोरोना पॉझिटिव्ह (Corona Positive) आढळून आले आहेत. यामुळं खळबळ उडाली आहे.
एएनआयच्या माहितीनुसार, हिवाळी अधिवेशनाच्या पार्श्वभूमीवर आरोग्य विभागाकडून जवळपास ३,५०० जणांची RT-PCR चाचणी करण्यात आली होती. या चाचणीमध्ये ८ पोलीस आणि २ अधिवेशनातील कर्मचाऱ्यांचा अहवाल पॉझिटिव्ह आला आहे.
या नमुन्यांचे जिनोम सिक्वेंसिंगही अद्याप झालेलं नाही. याद्वारे पॉझिटिव्ह असलेल्यांपैकी कोणी ओमिक्रॉन व्हेरियंटनं बाधिता आहे की नाही हे कळू शकेल. पण अद्याप जिनोम सिक्वेंसिंगचा निर्णय झाला नसल्याचं सूत्रांकडून कळतं.
राज्यात काल ८२५ नवे रुग्ण
दरम्यान, राज्यात काल 825 नवे कोरोनाबाधित रुग्ण आढळले होते. तर 14 कोरोनाबाधित रुग्णांच्या मृत्यूची नोंद झाली. त्यामुळं मृतांचा एकूण आकडा 1,41,367 वर पोहोचला. औरंगाबाद, लातूर, नागपूर मंडळात एकाही मृत्यूची नोंद झाली नाही. तर ठाणे 4, पुणे 1, नाशिक 7, कोल्हापूर 1, अकोला येथे एक मृत्यू नोंदवले गेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
