शिवसेना (शिंदे गटाचे) मंत्री गुलाबराव पाटील यांचा बालेकिल्ला असलेल्या जळगावमधील पाचोऱ्यात उद्या रविवारी ठाकरे गटाची सभा होणार आहे. मात्र या सभेपूर्वीच तेथील राजकारण तापलं आहे. संजय राऊत यांनी चौकटीत बोलावं नाही तर सभेत घुसणार असं गुलाबराव पाटील यांनी म्हटलं होतं. गुलाबराव पाटील यांच्या या वक्तव्याला आता ठाकरे गटाकडून चोख प्रत्युत्तर देण्यात आलं आहे.
सभेत घुसून दाखवा आणि रोख 51 हजारांच बक्षिस घेऊन जा, असं चॅलेंज ठाकरे गटाकडून करण्यात आलं आहे. आता यावर गुलाबराव पाटील काय प्रतिक्रिया देणार हे पहाणं महत्त्वाचं ठरणार आहे. रविवारी पाचोऱ्यात उद्धव ठाकरे यांची जाहीर सभा होणार आहे. मात्र या सभेआधीच राजकारण तापलं आहे. गुलाबराव पाटील यांच्या वक्तव्याचा ठाकरे गटाच्या कार्यकर्त्याकडून समाचार घेतला आहे.
सभेत घुसून दाखवा आणि रोख 51 हजारांचं बक्षिस घेऊन जा असं आव्हान ठाकरे गटाच्या कार्यकर्त्याकडून गुलाबराव पाटील यांना देण्यात आलं आहे. तसचं गुलाबराव पाटील यांच्या वक्तव्याचा निषेध करत ठाकरे गटाच्या कार्यकर्त्यांकडून जोरदार घोषणाबाजी देखील करण्यात आली आहे.
तर जळगाव येथे ठाकरे गटाची सभा होणार आहे. या सभेचा आढावा घेण्यासाठी खासदार संजय राऊत जळगावात पोहोचले आहे. यावेळी त्यांना काळे झेंडे दाखवणाऱ्या मंत्री गुलाबराव पाटील यांच्या कार्यकर्त्यांना जळगाव शहर पोलिसांनी ताब्यात घेतले आहे. गुलाबराव पाटील यांचे चिरंजीव प्रताप पाटील यांनी प्रशासनाला इशारा दिला आहे. पोलिसांनी कार्यकर्त्यांना ताब्यात घेतल्यानंतर त्यांनी पोलीस स्टेशन गाठले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
