ठाणे : मराठी अभिनेत्री केतकी चितळे (Ketki Chitale) हिला बुधवारी (ता. २२) ठाणे न्यायालयाने जामीन मंजूर (Grants bail) केला आहे. केतकीने राष्ट्रवादी काँग्रेसचे अध्यक्ष शरद पवार (sharad pawar) यांच्याबद्दल अपमानास्पद फेसबुक पोस्ट केले होते. यामुळे तिला ठाणे पोलिसांनी अटक केली होती. तिच्या या वक्तव्याच्या सर्वच स्तरावरून निषेध व्यक्त करण्यात आला होता. (Thane court grants bail to Ketki Chitale)
मराठी अभिनेत्री केतकी चितळे (Ketki Chitale) हिने शरद पवार (sharad pawar) यांच्या आजारपणावर, दिसण्यावर, आवाजावर अपमानास्पद फेसबुक पोस्ट केले होते. तसेच त्यांना भ्रष्ट संबोधले होते. यामुळे चांगलेच वादंग निर्माण झाले होते. वाढता वाद पाहून केतकी चितळे हिला अटक करण्यात आली होती.
आक्षेपार्ह टिप्पणी केल्यानंतर केतकीला १४ मे रोजी पोलिसांनी ताब्यात घेतले होते. त्यानंतर १८ मे पासून केतकी न्यायालयीन कोठडीत आहे. तिच्या याचिकेवर अतिरिक्त सत्र न्यायाधीश एचएम पटवर्धन यांनी सुनावणी केली.
गुन्हे शाखेने आधीच जामीन अर्जाला विरोध करीत उत्तर दाखल केले होते. मंगळवारी केतकीच्या जामीन अर्जाला पोलिस विरोध करीत नसल्याचे सांगत अतिरिक्त जबाब नोंदवण्यात आला. त्यानुसार बुधवारी न्यायालयाने केतकीला जामीन मंजूर करण्याचा आदेश दिला.
केतकी चितळेवर (Ketki Chitale) झालेल्या हल्ल्याची सीबीआय चौकशी करण्याची मागणी वकिलांनी राज्यपालांकडे केली होती. पोस्टाद्वारे गुन्हा दाखल करण्याचा न्यायालयाने सल्ला दिला आहे. याप्रकरणी ठाणे सत्र न्यायालयाने जामीन देण्यास नकार दिला होता. त्यामुळे केतकीचा तुरुंगातील मुक्काम वाढला होता. पोलिसांनी हा गुन्हा राजकीय सूडबुद्धीने दाखल केल्याचा दावाही केतकीने याचिकेतून केला होता. आता केतकी चितळेला जामीन मंजूर (Grants bail) झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
