![Maharashtra Politics ed](http://media.assettype.com/esakal%2F2023-10%2F523f7199-f4e4-4169-9cf8-0c490e01c344%2FBANNER___2023_10_13T094921_120.jpg?w=480&auto=format%2Ccompress&fit=max)
Maharashtra Politics: शेतकरी कामगार पक्षाचे माजी आमदार विवेक पाटील यांच्या १५२ कोटी रुपयांच्या स्थावर मालमत्तांवर ईडीने आज सायंकाळी जप्तीची कारवाई केली. त्यामध्ये भूखंड, बंगला तसेच रहिवासी संकुलाचा समावेश आहे.
विवेक पाटील हे कर्नाळा नागरी सहकारी बँकेचे माजी अध्यक्ष आहेत. याच बँकेच्या घोटाळ्याप्रकरणी त्यांच्यावर ही कारवाई करण्यात आल्याचे ईडीकडून सांगण्यात आले.
जप्त मालमत्तेमध्ये विवेक पाटील यांच्या कर्नाळा महिला रेडिमेड गारमेंट्स कोआॅपरेटिव्ह सोसायटी लिमिटेड या मालमत्तेचाही समावेश करण्यात आला आहे. आतापर्यंत या प्रकरणात एकूण ३८६ कोटी रुपयांची मालमत्ता जप्त करण्यात आली आहे
कर्नाळा बँकेत ५१२ कोटी रुपयांचा घोटाळा झाला आहे. या प्रकरणी माजी आमदार विवेक पाटील हे मुख्य आरोपी असल्याचे समोर आले होते. फेब्रुवारी २०२० मध्ये या घोटाळ्याप्रकरणी १७ संचालकांवर पनवेल शहर पोलिस ठाण्यात गुन्हा दाखल करण्यात आला होता.
त्यानंतर ईडीने याप्रकरणी तपास सुरू केला. चौकशीअंती १२ ऑगस्ट २०२१ रोजी विवेक पाटील यांना ईडीने अटक केली. त्या वेळी त्यांची २३४ कोटी रुपयांची मालमत्ता जप्त करण्यात आली होती. या प्रकरणात ते सध्या कारागृहात आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.