जादूटोण्यावरुन मारहाणीच्या घटनेत हिंदू-दलित वाद नाही - विजय वडेट्टीवार

मुंबई: महाराष्ट्र तेलंगण सीमेवर (maharashtra telgan border) माणुसकीला काळीमा फासणारी घटना घडली आहे. भानामती केल्याच्या संशयातून (black magic) सात जणांना संपूर्ण गावकऱ्यांनी (villagers) भरचौकात बेदम मारहाण केल्याचा प्रकार समोर आला आहे. चंद्रपूर जिल्ह्यातील (Chandrpur district) जिवती तालुक्यातील वणी या गावात ही धक्कादायक घटना घडली आहे. जादूटोणा केल्याच्या संशयावरुन खांबाला बांधून अमानुष मारहाण करण्यात आली.

या संपूर्ण प्रकारावर राज्य सरकारमधील मंत्री विजय वडेट्टीवार यांनी टीका केली आहे. "अत्यंत अमानुष आणि माणुसकीला काळिमा आणि समाजाचा मन हेलावणारी घटना असल्याचे त्यांनी म्हटले आहे. पोलीस अधीक्षक तातडीने रवाना झाले असून हा हिंदू आणि दलित वाद नाही. 13 जणांना अटक केली आहे" अशी माहिती त्यांनी दिली.

"कोणत्याही माणसाला मारताना आपण कोणत्या युगात आहोत याचा विचार करावा. जादूटोणाच्या काल्पनिक गोष्टी पाहून मारहाण करणं निंदनीय आहे. महिला आणि वृद्धांना मारहाण करणाऱ्या लोकांना कडक शासन करावं" असे आदेश दिल्याचे त्यांनी सांगितले. "जादूटोना, भानामती वैगेर बाबत अधिवेशनात आवाज उठवला होता. लोकांना धाक निर्माण झाला पाहिजे. पुढच्या अधिवेशनात यावर चर्चा झाली पाहिजे. ही हिंमत झाली, भविष्यात होऊ नये या विरोधात कायदे केले पाहिजेत" असे वडेट्टीवार म्हणाले. "अशिक्षितपणा अजून आहे, यामध्ये बघ्याची भूमिका अनेकांची होती ही खेदाची बाब आहे. मार खाणारे आणि मारणारे वयस्कर होते तरुणांनी पुढे येऊन हे सोडवलं पाहिजे. झालेला प्रकार निंदनीय आहे" असे वडेट्टीवार यांनी सांगितले.

विजय वडेट्टीवार ओबीसीवर म्हणाले...

सर्वोच्च न्यायालयाचा निकाल माहीतच आहे. इम्पिरियल डेटा उपलब्ध झाला असता तर प्रश्न सुटला असता. प्रामाणिक आणि इमाने इतबारे आरक्षण टिकावं, हे वाटेल त्यांनी पुढे येऊन डेटा देण्यास मदत करावी. सर्वोच्च न्यायालय काय भूमिका घेणार याकडे लक्ष आहे. पुढे सरकार ठरवेल, असे वडेट्टीवार म्हणाले.