मुंबई - नांदेड येथील शासकीय रुग्णालयात अनेक रुग्णांना आपला जीव गमवावा लागला आहे. मागील काही तासांत दोन डझनहून अधिक रुग्ण दगावले असून यामध्ये नवजात बालकांचा समावेश आहे. यावरून सरकारवर मोठ्या प्रमाणात टीका होत आहे. त्यातच आज विरोधीपक्षनेते विजय वडेट्टीवार यांनी सरकारवर जोरदार हल्लाबोल केला आहे.
वडेट्टीवार म्हणाले की, नांदेड येथील शासकीय रुग्णालयात ४१ लोकांचा बळी गेला. त्यात नवजात बालकांची संख्या जास्त आहे. शासनाच्या नाकर्तेपणामुळे हे सगळ घडत आहे. सरकारनेच या सगळ्यांचा बळी घेतला आहे. याला रूग्णालय न म्हणता स्मशानभूमी म्हणाव का असा प्रश्न पडल्याचं वडेट्टीवार यांनी नमूद केलं.
ठाण्यातील घटनेच्या चौकशीची हमी मुख्यमंत्र्यांनी दिली होती. मात्र अद्याप कोणावरही कारवाई झालेली नाही. डिलिव्हरीच्या काळात गरीबांच्या मुलांचा मृत्यू होत आहे. वर्ष भरात ४५० जणांचा मृत्यू झाला आहे. येथे पूर्ण वेळ डीन नाही. अद्याप डॉक्टरची व्हिजीट नाही. साप चावल्यानंतरच्या उपचाराची औषधे नाहीत. लहान बालकांची औषधे नाही, असं वडेट्टीवार यांनी म्हटलं.
दरम्यान आपण आरोग्य मंत्र्यांच्या कामाचा पंचनामा करणार आहोत. हसन मुश्रीफ यांनी नैतिक जबाबदारी स्वीकारून राजीनामा द्यावा हवा. हा नालायक सरकारचा नाकर्तेपणा असून केवळ बदल्या आणि टेंडरमध्ये २० टक्के वसूली सुरू असल्याचा आरोप वडेट्टीवार यांनी केला. यावेळी त्यांनी डीनला तात्काळ निलंबीत करण्याची मागणी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
