'संजय राऊत छत्रपती शिवाजी महाराजांपेक्षा मोठे आहेत का?'

राजकीय क्षेत्रात चर्चेत असलेली संजय राऊत यांची आजच्या पत्रकार परिषदेवर विरोधकांकडून टीका सुरु आहे. सत्ताधारी आणि विरोधक यांच्यात एकमेकांवर निशाणा साधला जात आहे. दरम्यान, आता भाजपाने (BJP) संजय राऊत (Sanjay Raut) आणि ठाकरे सरकारवर टीकास्त्र सोडले आहे. संजय राऊत हे छत्रपती शिवाजी महाराज यांच्यापेक्षा मोठे आहेत का? असे वक्तव्य भाजपाने केलं आहे. यामुळे आता पुन्हा एकदा चर्चांना उधाण आलं आहे. (today press conference of sanjay raut)

भाजपाने (BJP) ऑफिशिअल ट्वीट करत राऊत यांना टोला लगावला आहे. ते म्हणाले, छत्रपती शिवाजी महाराज यांच्या जयंतीनिमित्त मिरवणूक काढण्यास ठाकरे सरकारने (Thackeray Govt.) प्रतिबंध घातला आहे. तर, शिवसेना प्रवक्ते संजय राऊत यांच्या पत्रकार परिषदचा सोहळा साजरा करण्यासाठी मुंबईतील रस्ते बंद करण्यात आले आहेत. संजय राऊत हे छत्रपती शिवाजी महाराज यांच्यापेक्षा मोठे आहेत का? असा सवाल त्यांनी केला आहे.

दरम्यान, मुंबई पोलिसांनी आज वाहतूक संदर्भात ट्वीट केले आहे. यात काही काळासाठी वाहतुक बंद करण्यात येणार असल्याचे सांगितले आहे. आज राजकीय कार्यक्रम म्हणजे शिवसेनेची पत्रकार परीषद असल्याची दाट शक्यता असल्यानं हे बदल करण्यात येत आहे. शिवसेना खासदार संजय राऊत (Sanjay Raut) हे चार वाजता शिवसेना भवन येथे पत्रकार परीषद घेणार आहेत. आता यावरून टीका सुरु आहे.