औरंगाबादः मराठवाड्यातल्या बीड आणि जालना जिल्ह्यात आज पहाटे दोन अपघात झाले. या अपघातामध्ये चौघांचा दुर्दैवी मृत्यू झाल्याची घटना घडली आहे.
पहिला अपघात पहाटे चार वाजण्याच्या दरम्यान जालना जिल्ह्यातल्या परतूर येथे झाला. कारमध्ये पती-पत्नी प्रवास करत होते. अपघातानंतर कारला भीषण आग लागली. आग लागताच पती बाहेर पडला मात्र पत्नीचा होरपळू मृत्यू झाल्याची घटना घडली आहे.
सविता सोळुंके असं होरपळून मृत्यू झालेल्या महिलेचं नाव आहे. पहाटेच्या दरम्यान कारला अपघात झाल्याने अपघातग्रस्तांना वेळेवर मदत पोहोचली नसल्याचं सांगण्यात येत आहे.
दुसरा अपघात बीड शहरावजळ झाला आहे. नगरहून लग्नासाठी जात असतांना एका कारला हा अपघात झाला. अपघात एवढा भीषण होता की तिघांचा जागीच मृत्यू झाला तर एकावर उपचार सुरु आहेत.
बीडहून पेंडगावच्या दिशेने निघालेली ही कार चालकाचा ताबा सुटल्याने उलटली. कारमधील तीन तरुणांचा मृत्यू झाला. त्यांचं वय ३० ते ३२ असल्याचं सांगण्यात येत आहे. तर एक गंभीर जखमी झाला असून त्याच्यावर बीडच्या जिल्हा रुग्णालयात उपचार सुरु आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
