भारतीय सैन्यात आपले कर्तव्य बजावत असताना महाराष्ट्राचे दोन सुपुत्रांना वीरमरण प्राप्त झाले आहे. यामध्ये बारामतीचे जवान अशोक बापूराव इंगवले आणि संगमनेर तालुक्यातील गणेश देवराम कसबे (ढोरवाडी) या दोन सुपुत्रांचा समावेश आहे. देशासाठी कर्तव्य बजावताना त्यांना वीरगती प्राप्त झाली.
दरम्यान पुणे जिल्ह्यातील सोनगाव (ता. बारामती) येथील शेतकरी कुटुंबात जन्मलेले अशोक बापूराव इंगवले (वय ३१) हे मागील ७ वर्षांपासून सीआरपीएफमध्ये जवान म्हणून देशसेवा बजावत होते. यांना आज पंजाब येथे वीरमरण आले. यामुळे सोनगाव शोककुल झाले आहे. इंगवले यांचे पार्थिव मंगळवारी रात्री अथवा बुधवारी त्यांच्या मूळ गावी येण्याची शक्यता सूत्रांनी वर्तवली असून, त्यानंतर शासकीय इतमामात अंत्यसंस्कार होणार आहेत.
त्यांना निवडणुकांमुळे ते पंजाबमध्ये बंदोबस्तावर असताना अचानक हृदयविकाराचा झटका आला आणि त्यांना वीरमरण प्राप्त झाले. त्यांच्या पश्चात आई-वडील, भाऊ, पत्नी, दीड वर्षाचा मुलगा व दोन महिन्यांची मुलगी असा परिवार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
