मुंबई - नांदेड येथील शासकीय रुग्णालयात झालेल्या मृत्यूवरून विरोधकांनी आक्रमक भूमिका घेतली आहे. सरकारच्या दुर्लक्षामुळे हे घडलं असल्याचा आरोप विरोधक करत आहेत. त्यातच आज शिवसेना उद्धव बाळासाहेब ठाकरे पक्षाचे नेते उद्धव ठाकरे यांनी सरकारवर हल्लाबोल करताना सरकारला अडचणीत आणणारे प्रश्न उपस्थित केले आहेत.
उद्धव ठाकरे म्हणाले की, मागील काही दिवसांत घडलेल्या घटनांमुळे अस्वस्थ झालो आहे. विषय रोज नवीन-नवीन आहेत. काही विषय खूप वर्षांपासून तसेच्या तसे आहेत. आज मी जरा अस्वस्थ आहे. सध्या आरोग्य यंत्रणेचे तीन तेरा वाजलेत, ते बघितल्यानंतर चीड येते. आज मी मुख्यमंत्री नाहीये, मविआ सरकार नाहीये. मात्र आरोग्य व्यवस्था तीच आहे. कोरोना सारख्या संकटाचा सामना या आरोग्य व्यवस्थेने केला होता. त्याच आरोग्य व्यवस्थेचे तीन तेरा वाजल्याचं उद्धव ठाकरे म्हणाले.
कोरोना काळात मुंबई मॉडेल असेल, दुर्गम भागात औषधे पुरवलीत. ड्रोनने दुर्गम भागात औषधे पुरवली. मी देखील दुर्गम भागात भेट दिली होती. अनेक डॉक्टर-नर्सचा मृत्यू झाला. आज त्यांना बदनाम केलं जातंय. ठाणे हॉस्पिटल असेल...दुर्घटना घडताहेत, मुख्यमंत्री कुठे आहेत. एक फुल दोन हाफ कुठे आहेत. मुख्यमंत्री दिल्लीत आहे. एक फुल, एक हाफ दिल्लीत आहेत. दुसरा हाफ कुठे आहे, असे प्रश्न उद्धव ठाकरे यांनी उपस्थित केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
