Uddhav Thackeray News : "उद्धव ठाकरेंचा भाजपसोबत येण्यासाठी प्रयत्न"; भाजप आमदाराचा मोठा दावा

Uddhav Thackeray News : उद्धव ठाकरे गटाला कोर्टाकडून दिलासा मिळाला नाही. त्यामुळे ठाकरेंचा पाय आणखीच खोलात जात आहे. १६ आमदार अपात्र आणि पक्ष, चिन्हाबातत सुनावणीवर तात्काळ सुनावणी घेण्यास कोर्टाने नकार दिला आहे. तसेच स्पष्ट तारीख देण्यास देखील कोर्टाने नकार दिला आहे. दरम्यान भाजप आमदार नितेश राणे यांनी मोठा दावा केला आहे.

उद्धव ठाकरे आणि त्यांचे काही जवळचे लोक, भाजपमध्ये येण्यासाठी प्रयत्न करत आहेत. कुठल्याही अटी शर्ती ठेऊ नका पण आम्हाला सोबत घ्या, अशा पद्धतीचा उद्धव ठाकरे यांच्याकडून भाजपच्या नेत्यांकडे गेला आहे. त्या संदर्भात दिल्लीत बैठक घेण्याचा प्रयत्न झाला, असा दावा नितेश राणे यांनी केला आहे. (Uddhav Thackeray News)

नितेश राणे म्हणाले, भाजपकडून उद्धव ठाकरे यांना कोणताही सकारात्मक प्रतिसाद मिळत नाही. कारण आमची भूमिका स्पष्ट आहे एकदा कुणी बेईमानी केली तर त्याच्याबरोबर परत कधी जायचे नाही. (latest marathi news)

उद्धव ठाकरे यांच्यासमोर मोठा राजकीय संघर्ष निर्माण झाला आहे. निवडणूक आयोगाने पक्ष आणि चिन्ह शिंदे गटाला दिल्यानंतर उद्धव ठाकरे यांना मोठा धक्का बसला होता. त्यानंतर अनेक नेत्यांनी ठाकरेंना राम-राम ठोकत शिंदे गटात प्रवेश केला.