Uddhav Thackeray: शिवसेना नकली असायला तुमची डिग्री आहे का?; उद्धव ठाकरेंचे PM मोदींना प्रत्युत्तर

Uddhav Thackeray: महाविकास आघाडीच्या पालघर लोकसभेच्या उमेदवार भारती कामडी यांच्या प्रचारार्थ पक्षप्रमुख उद्धव ठाकरे यांनी आज पालघर येथे जाहीर सभा घेतली. यावेळी त्यांना पंतप्रधान नरेंद्र मोदी यांच्यासह भाजपवर जोरदार टीका केली. मोदींच नाणं चालत नाही म्हणून शिवसेना फोडली, असे उद्धव ठाकरे म्हणाले.

नकली शिवसेना म्हणायला ही मोदींची डिग्री नाही असे देखील ठाकरे म्हणाले. पंतप्रधान नरेंद्र मोदी यांच्या नकली शिवसेनेच्या टिकेवर त्यांनी प्रत्युत्तर दिलं आहे.

एकनाथ शिंदे बोलतात ते बाळासाहेबांचे विचार नाहीत.  दिल्लीचा फोन आला की मिधेंची दाढी चळाचळा कापते. बाळासाहेबांच्या फोनमुळे नेत्यांची चळाचळा कापायची, असे म्हणत उद्धव ठाकरे यांनी मुख्यमंत्री एकनाथ शिंदे यांच्यावर देखील टीका केली आहे.

एकनाथ शिंदे यांना संपवलं आहे. यांना माहिती देखील नाही यांच्या बुडाखालची सतरंजी काढून घेतली. अजून पालघरी उमेदवारी जाहीर केली नाही. त्यांना स्वत:च्या मुलाची उमेदवारी जाहीर करता येत नाही, असे उद्धव ठाकरे म्हणाले.