पुढील दोन-तीन दिवसांत राज्यात अतिमुसळधार? हवामानचा इशारा

रत्नागिरी - काल सायंकाळापासून तयार झालेले गुलाब चक्रीवादळ हे पूर्व किनारपट्टीवरील पुढे सकरत आहे. आज मध्यरात्री (रविवार) गोपाळपूर आणि कलिंगपट्टणममध्ये धडकण्याची शक्यता आहे. यामुळे पूर्व किनारपट्टीवर मुसळधार पाऊस पडण्याची शक्यता आहे. पुढचे 2-3 दिवस राज्यात विदर्भ, मराठवाडा, मध्य महाराष्ट्र व कोकणात काही ठिकाणी मुसळधार ते अतिमुसळधार पावसाची शक्यता वर्तवण्यात आली आहे. काही ठिकाणी पावसाची आणि वाऱ्याची तीव्रता अधिक असू शकते, असा अंदाज प्रादेशिक हवामान खात्याने वर्तवला आहे.

दरम्यान, या चक्रीवादळामुळे राज्यातील अनेक ठिकाणी जोरदार पावसाची शक्यता वर्तवण्यात आली आहे. याचे परिणाम संपूर्ण महाराष्ट्रावर होणार आहेत. राज्यात २७ ला मराठवाडा, विदर्भात आणि २८ तारखेला मध्य महाराष्ट्र आणि कोकणात मुसळधार ते अति मुसळधार पाऊस पडण्याची शक्यता आहे. या परिसरातील नागरिकांनी खबरदारी घेण्याची आवश्यकता आहे. प्रशासनाने तसे आदेश दिले आहेत. त्यामुळे परिसरातील नागरिकांना प्रशासानाने काळजी घेण्याचे आवाहन केले आहे.