Urfi Javed Controversy: उर्फी प्रकरणात चित्रा वाघ यांच्या निशाण्यावर असलेले महिला आयोग काय काम करते?

Urfi Javed Controversy : सध्या राज्यात उर्फी जावेदचा मुद्दा चांगलाच गाजतोय. भाजपनी उर्फी जावेद परिधान करत असलेल्या कपड्यांवरून तिच्या विरोधात भूमिका घेतली. एवढंच काय तर अपेक्षित उत्तर न मिळाल्याने राज्य महिला आयोगाच्या कामावरही चित्रा वाघ यांनी ताशेरे ओढले. याच महिला आयोगाविषयी आज आपण जाणून घेणार आहोत. (Urfi Javed Controversy chitra wagh blaming on mahila aayog )

उर्फी प्रकरणात राज्य महिला आयोग काय म्हणाले?

उर्फी जावेद प्रकरणात महिला आयोगाने उर्फीच्या बाजूने सॉफ्ट कॉर्नर दाखवला होता. प्रत्येकाला त्याच्या इच्छेनुसार कपडे परिधान करण्याचा अधिकार आहे आपण त्यांना अडवू शकत नाही. असं महिला आयोग म्हणाले होते.

महिला आयोग कशासाठी आहे?

महाराष्ट्र राज्य महिला आयोग हे एक वैधानिक मंडळ आहे. या आयोगाची स्थापना १९९३ सालच्या महाराष्ट्र कायदा क्रमांक XV च्या अंतर्गत झाली आहे. आयोग महिलांशी संबंधित विविध मुद्द्यांवर संशोधनात्मक अभ्यास करतो. शिवाय महिलांच्या हितार्थ बाजू मांडतो.

आयोग जन्मपूर्व लिंग निदान पद्धती (नियम आणि गैरवापर प्रतिबंध) कायदा १९९४ ची कठोर अंमलबजावणी आणि प्रसार माध्यमांतून  महिलांच्या प्रतिमेबद्दल असंवेदनशीलता निर्माण करणे,  अशा विशिष्ट मुद्द्याबद्दल विशेष दक्ष असतो.

महिला आयोग काय काम करतं?

• महिलांची समाजामधील स्थिती आणि प्रतिष्ठा सुधारणे.

• महिलांची मानहानी करणाऱ्या प्रथांचा शोध घेणे आणि त्यावर योग्य प्रतिबंधात्मक उपाय सुचवणे.

• महिलांवर परिणाम करणाऱ्या कायद्यांची प्रभावी अंमलबजावणी करणे.

• महिलांची समाजामधील स्थिती आणि प्रतिष्ठा यामध्ये सुधारणा तसेच उन्नती करण्या संबंधित सर्व मुद्द्यावर शासनाला सल्ला देणे.

• गरजू महिलांना समुपदेशन आणि नि:शुल्क कायदेशीर सल्ला देणे.