Maratha Reservation: मराठा समाजाला कुणबी प्रमाणपत्र देण्यावरुन आता काँग्रेस नेते व राज्याचे विरोधी पक्षनेते विजय वडेट्टीवार विरुद्ध मनोज जरांगे असा सामना रंगला आहे. विजय वडेट्टीवार यांनी यापूर्वी मराठा समाजाला सरसकट कुणबी प्रमाणपत्र देण्याला थेट विरोध दर्शवला होता. दरम्यान त्यांनी मनोज जरांगेंवर गंभीर आरोप केला आहे.
मराठा समाजला EWS मधून १० टक्के फायदा होत असेल तर तो मोठा फायदा आहे. मात्र मनोज जरांगे यांची राजकीय आरक्षणाचा फायदा घेण्याची भूमिका दिसते. जरांगे मराठा मुलांच्या भल्यासाठी आग्रही नाही तर राजकीय फायद्यासाठी आग्रही आहे, असा माझा थेट आरोप असल्याचे वडेट्टीवार म्हणाले.
मराठा समाजला ओबीसींच्या ३७२ जातींमध्ये येऊन फार फायदा होणार नाही. EWS मध्ये जास्त जाती नाहीत. मराठा तरुणांनी याचा विचार करावा, जरांगे पाटील यांच्या म्हणण्याप्रमाणे सगळे काही ठरवू नये. त्यांनी अभ्यास करुन भविष्याचा निर्णय घ्यावा, असे आवाहन विजय वडेट्टीवार यांनी केले.
विजय वडेट्टीवार म्हणाले, "सरसकट कुणबी प्रमाणपत्रामुळे मराठा तरुणांच नुकसान होणार आहे. खुल्या प्रवर्गात जास्त जाती नाहीत. जिथं नोकऱ्यांचा किंवा सवलीता संदर्भ येतो. तेथ मराठा समाजाचे नुकसान होणार आहे. त्यामुळे मराठा नेत्यांनी मराठा तरुणांना कशात हीत आहे, काय चांगलं आहे याबाबतची भूमिका स्पष्ट करावी."
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
